ამის შესახებ სახალხო დამცველის განცხადებას ავრცელებს.

რატომ არის მნიშვნელოვანი: 19 თებერვალს ექსპერტთა ჯგუფი მორიგი ვიზიტით კლინიკა ვივამედში მიხეილ სააკაშვილის მდგომარეობის შეფასების მიზნით მივიდა.

  • განცხადებაში ნათქვამია, რომ გამოხატულია მძიმე სარკოპენია და პაციენტი 4 დეკემბრის შემდეგ საგრძნობლად დამძიმებულია.
  • ასევე ნათქვამია, რომ სააკაშვილმა დაიკლო კიდევ 5,7 კილოგრამი კუნთების მნიშვნელოვანი განლევის ხარჯზე და გადაადგილება მნიშვნელოვნად შეზღუდულია სისუსტის გამო.
  • "წამოდგომისას აღინიშნება წნევის ძლიერი ვარდნა 125/75-იდან 60/40-მდე, რასაც თან ერთვის წონასწორობის კარგვა და კოორდინაციის საგრძნობი მოშლა. აღსანიშნავია გონებრივი ფუნქციების კიდევ უფრო დაქვეითება", — ვკითხულობთ განცხადებაში.

დეტალები: შთაბეჭდილებაში წერია სარკოპენია, კუნთების განლევა და კახექსიის მძიმე მე-4 სტადია.

  • ასევე ორთოსტატიული წნევის კრიტიკული ვარდნა კოორდინაციის მოშლით.

პროგნოზი და რისკები: ნათქვამია, რომ პაციენტი შესულია აქტიური კატაბოლიზმის ფაზაში, შემდეგი 5-7 კილოგრამის დაკარგვის შემდეგ ის საწოლზე მიჯაჭვული გახდება, რადგანაც მთლიანად განლეული ექნება ქვედა კიდურების კუნთები და სისუსტის გამო ვერ შეძლებს მოძრაობას.

  • "ამ სისწრაფით წონის კლებისას მოსალოდნელია ამ ნიშნულამდე მიღწევა 1-2 თვეში. მისთვის კრიტიკულ წონას წარმოადგენს 52-53 კილოგრამი, რის შემდეგადაც დაიწყება ორგანიზმის შეუქცევადი ცვლილებები", — ნათქვამია განცხადებაში.
  • ამბობენ, რომ გაღრმავებულია პერიფერული და აუტონომიური ნევროპათია, რაც წამოდგომისას იწვევს წნევის კრიტიკულ ვარდნას.
  • კონსილიუმის თქმით, ზედამხედველობის გარეშე პაციენტის მოძრაობა სახიფათოა, რადგანაც ძალიან მაღალია დავარდნის, სხეულის დაზიანების/მოტეხილობების რისკი.
  • კახექსიური სხეულის რესურსი იმისათვის, რომ ჭრილობა ან მოტეხილობა შეხორცდეს არის ძალიან დაბალი, რაც გამოიწვევს სხვა კრიტიკული გართულებების (სისხლჩაქცევა, ინფექცია, ღრმა ვენების თრომბოზი და ა.შ) კასკადურ განვითარებას ლეტალური გამოსავლის მაღალი ალბათობით.