ახალი ამბები On.ge

თეა წულუკიანი

26 Feb. 2023, 12:50

ვფიქრობ, კარგი იქნება, თუ არასამთავრობო სექტორი ითანამშრომლებს და დათანხმდება იმას, რომ გამჭვირვალობა მათთვისაც გაჯანსაღების გზაა. [...]

ვფიქრობ, ძალიან მნიშვნელოვანია ყველა სექტორში გამჭვირვალობა. ჩვენ როდესაც ვამბობთ, რომ სახელმწიფო სტრუქტურები უნდა იყოს გამჭვირვალე და ამისთვის 2013 წლიდან არაერთი ძალიან მკაცრი კანონი მივიღეთ აღმასრულებელი, სასამართლო და საკანონმდებლო ხელისუფლების სტრუქტურებისათვის, ვფიქრობ, ეს იყო გამართლებული და აუცილებელი.

ჩვენ ასევე კერძო სექტორის გამჭვირვალობისთვისაც არაერთი ნაბიჯი გადავდგით. ვგულისხმობ ამ შემთხვევაში ბიზნესსაქმიანობას, თანამშრომლობითა და მათთან ურთიერთობის საფუძველზე. ამიტომაც არის ამ ქვეყანაში კორუფციის რისკები მაქსიმალურად შემცირებული. ამას მე არ ვამბობ, ამას ადასტურებს არაერთი საერთაშორისო რეიტინგი და ახლა ჯერი არასამთავრობო სექტორზეა, რომელიც, ვფიქრობ, კარგი იქნება, თუ ითანამშრომლებს და დათანხმდება იმას, რომ გამჭვირვალობა არის მათთვისაც გაჯანსაღების გზა ფინანსური ანგარიშვალდებულების ფორმით, რადგან საზოგადოების მართვაში როცა ხარ ჩართული და როცა სახელმწიფოს მართვის პროცესში გინდა მონაწილეობის მიღება, როგორც ხელისუფლებას, ისე არასამთავრობო სექტორს გვევალება საბაზისო და ელემენტარული გამჭვირვალობა, რომ არ ვთქვა – კარგი ხარისხის გამჭვირვალობა. ამიტომ ამაში მე საგანგაშოს ვერაფერს ვხედავ.

კანონი საბოლოოდ რა ფორმას მიიღებს, მე როგორც ვიცი, რამდენიმე ვერსიაა და აზრთა გაცვლა-გამოცვლა მიმდინარეობს, ეს გახდება შემდგომ ცნობილი. ახლა ამაზე არ ვმსჯელობთ, ახლა ვმსჯელობთ იმაზე, გვინდა თუ არა ყველას ერთად, რომელ სექტორსაც არ უნდა წარმოვადგენდეთ, საზოგადოების წინაშე გამჭვირვალობა და ანგარიშვალდებულება

კულტურის მინისტრის კომენტარს საზოგადოებრივი მაუწყებელი ავრცელებს. ქართული ოცნებიდან წამოსული დეპუტატებით დაკომპლექტებულმა ანტიდასავლურმა მოძრაობამ, ხალხის ძალამ კანონპროექტი შეიმუშავა, რომლის მიზანიც მედიისა და არასამთავრობო ორგანიზაციების დისკრედიტაციაა. მათ სურთ, შეიქმნას "უცხოური გავლენის აგენტების რეესტრი", სადაც დარეგისტრირდება ყველა არასამეწარმეო იურიდიული პირი და მედიასაშუალება, რომელთა შემოსავლების 20%-ზე მეტი უცხოეთიდან ფინანსდება. მსგავსი კანონი მოქმედებს რუსეთში და მას თავისუფალი სიტყვის წინააღმდეგ იყენებენ.

კრიტიკის შემდეგ ხალხის ძალაში განაცხადეს, თითქოს სპეკულაციების თავიდან ასაცილებლად, ამერიკული კანონის ანალოგს დააინიცირებდნენ. საერთაშორისო თანამეგობრობა და ორგანიზაციები მოუწოდებენ პარლამენტს არ მიიღონ კანონი, რომელიც ევროინტეგრაციას დააბრკოლებს.

0 0

კომენტარები

კვირის ტოპ-5

  1. ილია თოფურია აცხადებს, რომ ოჯახში ძალადობის გამო ცრუ ბრალდებით აშანტაჟებენ
  2. 2026 წლის 1-ელი იანვრიდან გარკვეულ ჯგუფებს ჩამორთმეული მართვის მოწმობები დაუბრუნდებათ
  3. გაგნებაში არ არის, რა უნდა ქართველ ხალხს — შალვა პაპუაშვილი მარტა კოსზე
  4. 15 წლის ბიჭის ცემისთვის მკლავჭიდელ ხატია ვიბლიანს 1.5 წლით პირობითი სასჯელი შეეფარდა
  5. არასრულწლოვანზე ძალადობის ბრალდებით ენმ-ის წევრი დავით დიღმელაშვილი დააკავეს

გირჩევთ

ახლა კითხულობენ

შესაფუთი მასალების უსაფრთხოება — რომელი მასალაა ყველაზე უსაფრთხო

შესაფუთ მასალებს მნიშვნელოვანი ფუნქცია აქვს პროდუქტის დაცვაში, ხარისხის შენარჩუნებასა და აუცილებელი ინფორმაციის…