ოლბრაიტი მარგველაშვილს: გმადლობთ ქვეყნის ასე კარგად ხელმძღვანელობისათვის
საქართველოს პრეზიდენტი გიორგი მარგველაშვილი ამერიკის შეერთებული შტატების ყოფილ სახელმწიფო მდივანს, ეროვნულ-დემოკრატიული ინსტიტუტის (NDI) თავმჯდომარეს მადლენ ოლბრაიტს შეხვდა და NDI-ის დელეგაციას სადილზე უმასპინძლა. ინფორმაციას შეხვედრის შესახებ პრეზიდენტის პრესსამსახური ავრცელებს.
პრესსამსახურის ინფორმაციით, შეხვედრისას საუბარი შეეხო საქართველოში მიმდინარე დემოკრატიულ პროცესებს, საქართველოს მიღწევებს, მიზნებსა და ქვეყნის წინაშე არსებულ გამოწვევებს. აღინიშნა, რომ NDI-ის თავმჯდომარის ვიზიტის მიზანი საქართველოს სუვერენიტეტის მხარდაჭერა და ქვეყანაში მიმდინარე მოვლენებზე მეტი ინფორმაციის მიღება, ასევე საქართველოში NDI-ის საქმიანობაზე დაკვირვება და საქართველოსა და დასავლეთს შორის ტრანსატლანტიკური ურთიერთობების განმტკიცებაა.
გიორგი მარგველაშვილმა დამსწრე საზოგადოებას სიტყვით მიმართა. ქვეყნის პირველმა პირმა მადლენ ოლბრაიტს და NDI-ის დელეგაციის წევრებს საქართველოში ვიზიტისათვის მადლობა გადაუხადა და ქვეყნის დემოკრატიული განვითარების საქმეში ეროვნულ-დემოკრატიული ინსტიტუტის მიერ შეტანილ განსაკუთრებულ წვლილსა და მნიშვნელობაზე ისაუბრა.
„ეროვნულ-დემოკრატიული ინსტიტუტი საქართველოში განსაკუთრებულ სამუშაოს ათწლეულების მანძილზე ახორციელებს; სხვადასხვა თაობები დებდნენ საკუთარ სულს, რწმენას, შრომასა და წვლილს ამ საქმეში. ეს იყო ათეულობით გამორჩეული ადამიანი, პროფესიონალი, პოლიტიკოსი, უბრალოდ ენთუზიასტები, რომლებმაც შესანიშნავი სამუშაო განახორციელეს საქართველოში დემოკრატიის განვითარებისათვის.
ადამიანებს, რომლებსაც ჩვენ ვხვდებოდით, მტკიცედ სწამდათ, რომ საქართველოში დემოკრატიის მშენებლობა და განვითარება, იყო სწორი მიზეზი, საკუთარი ერთგული სამსახურისათვის. ისინი აღტაცებულნი იყვნენ ჩვენი ქვეყნის წარმატებით და განსაკუთრებით განიცდიდნენ თითოეულ მარცხს.
თქვენთან - იმ ლიდერებთან ერთად მუშაობა, რომლებსაც სჯეროდათ ჩემი ქვეყნის შესაძლებლობებისა და ხალხის, განსაკუთრებული იყო და მსურს, თითოეულ თქვენგანს ამ წვლილისათვის მადლობა გადაგიხადოთ“, - განაცხადა საქართველოს პრეზიდენტმა.
თავის მხრივ, მადლენ ოლბრაიტმა საქართველოს პრეზიდენტს მასპინძლობისთვის მადლობა გადაუხადა და სიამაყით აღნიშნა ის მნიშვნელოვანი სამუშაო, რომელიც NDI-ისთან თანამშრომლობით საქართველოში განხორციელდა.
„ვამაყობ იმ სამუშაოთი, რომელიც ერთად განვახორციელეთ. საქართველო ერთგვარი მაგალითია - როდესაც ხალხი გვეკითხება, თუ რას ვაკეთებთ, როგორ ვმუშაობთ საზოგადოებაში და როგორ იწყებთ მის შეცნობას, ჩვენ ვპასუხობთ, რომ ძალიან დიდი დრო გავატარეთ საქართველოში, გავიარეთ სხვადასხვა ეტაპი და,ვფიქრობ, რასაც მე განსაკუთრებით ვაფასებ არის თქვენი სურვილი შეესაბამებოდეთ მაღალ სტანდარტებს, რადგან იცით, რომ სწორედ ეს ქმნის წარმატებულ ქვეყანას.
ვფიქრობ, რომ ჩვენ ასევე ნამდვილი მეგობრები ვართ და შეგვიძლია ერთმანეთს რთულ საკითხებზე ვესაუბროთ და არ ვსვამთ კითხვებს, თუ რამდენად რთულია დემოკრატია, რამდენად საჭირო და მნიშვნელოვანია ძალთა ბალანსი, კანონის უზენაესობა, მედიის განსაკუთრებული როლი.
საქართველო ყოველთვის განსაკუთრებული მეგობარი და პარტნიორი იყო. გმადლობთ ამ არაჩვეულებრივი ქვეყნის არსის გაზიარებისთვის და გმადლობთ მისი ასე კარგად ხელმძღვანელობისათვის“, - აღნიშნა მადლენ ოლბრაიტმა.
საქართველოს პრეზიდენტის ეროვნულ-დემოკრატიულ ინსტიტუტში მუშაობის პერიოდი გაიხსენა NDI-ისმოქმედმა პრეზიდენტმა კენეტ ვოლაკმა და გიორგი მარგველაშვილს თანამშრომლობისათვის მადლობა გადაუხადა.
„ბატონო პრეზიდენტო, როგორც მრავალ ქართველს, ჩვენც მოგვწონს, რომ თქვენ ამ ქვეყნის ხალხმა აგირჩიათ და, მაშინ, როდესაც პრეზიდენტის უფლებამოსილება შემცირებულია ბოლო წლებში, თქვენ აჩვენეთ ის მორალური ავტორიტეტი, რომელიც თან ახლავს ხალხის პრეზიდენტობას. თქვენ ამ ავტორიტეტს გონივრულად, ეფექტიანად იყენებთ.
ბატონო პრეზიდენტო, ჩვენ ვამაყობთ, რომ შეგვიძლია თქვენ ერთ-ერთი ჩვენთაგანი გიწოდოთ“, - აღნიშნა NDI-ის პრეზიდენტმა.
საქართველოს პრეზიდენტის სასახლეში გამართულ სამუშაო სადილს პრეზიდენტის ადმინისტრაციის წარმომადგენლებთან ერთად, ეროვნულ-დემოკრატიული ინსტიტუტის დირექტორთა საბჭოს წევრები და ორგანიზაციის სხვა მეგობრები ესწრებოდნენ.
-
-
გადახედვაბჟანიას გადადგომის მოთხოვნით სოხუმში აქტივისტი შიმშილობს ბჟანიას გადადგომის მოთხოვნით სოხუმში აქტივისტი შიმშილობს
-
გადახედვათბილისის ოპერისა და ბალეტის თეატრში შრომითი უფლებების დარღვევა გამოვლინდა - კულტურის პროფკავშირი თბილისის ოპერისა და ბალეტის თეატრში შრომითი უფლებების დარღვევა გამოვლინდა - კულტურის პროფკავშირი
-
გადახედვადედაჩემის იპოთეკა დავფარე, რაც ჩემთვის ძალიან მნიშვნელოვანი იყო — სიდნი სვინი დედაჩემის იპოთეკა დავფარე, რაც ჩემთვის ძალიან მნიშვნელოვანი იყო — სიდნი სვინი
-
გადახედვავენერაზე სიცოცხლის "საშენი მასალის" არსებობა შესაძლებელია — კვლევა ვენერაზე სიცოცხლის "საშენი მასალის" არსებობა შესაძლებელია — კვლევა
-
გადახედვაფრანგული კომპანიისგან ნაყიდი პირველი სამაშველო ვერტმფრენი H 145 უკვე საქართველოშია ფრანგული კომპანიისგან ნაყიდი პირველი სამაშველო ვერტმფრენი H 145 უკვე საქართველოშია
-
გადახედვაინფოგრაფიკა: პრინციპები, რომელსაც მოსამართლე უნდა ეყრდნობოდეს ინფოგრაფიკა: პრინციპები, რომელსაც მოსამართლე უნდა ეყრდნობოდეს
-
გადახედვაბასიანი: კანონი სრულად ზღუდავს გამოხატვისა და შეკრების თავისუფლებას, აწესებს ცენზურას ფაქტობრივად ყველა სფეროზე ბასიანი: კანონი სრულად ზღუდავს გამოხატვისა და შეკრების თავისუფლებას, აწესებს ცენზურას ფაქტობრივად ყველა სფეროზე
-
-
გადახედვასაქართველოს 10 საუკეთესო გამოსვლა ევროვიზიაზე საქართველოს 10 საუკეთესო გამოსვლა ევროვიზიაზე
-
გადახედვამასშტაბური კვლევის თანახმად, ვიაგრა ალცჰაიმერის განვითარების რისკებს 50%-ით ამცირებს მასშტაბური კვლევის თანახმად, ვიაგრა ალცჰაიმერის განვითარების რისკებს 50%-ით ამცირებს
-
გადახედვაახალი რობოტი ადამიანის სახის გამომეტყველებას იმეორებს ახალი რობოტი ადამიანის სახის გამომეტყველებას იმეორებს
-
-
-
გადახედვამედიაკოალიცია სამართალდამცავ უწყებებს მოუწოდებს, ჟურნალისტ ნატო გოგელიას სახლში შეღწევისა და ქონების დაზიანების ფაქტი დროულად გამოიძიონ მედიაკოალიცია სამართალდამცავ უწყებებს მოუწოდებს, ჟურნალისტ ნატო გოგელიას სახლში შეღწევისა და ქონების დაზიანების ფაქტი დროულად გამოიძიონ
-
გადახედვაროგორ აისახება ყინულის დნობა დღის ხანგრძლივობაზე? — ახალი კვლევა როგორ აისახება ყინულის დნობა დღის ხანგრძლივობაზე? — ახალი კვლევა
-
გადახედვავინ იქნება Neuralink-ის შემდეგი პაციენტი — რა ვიცით ვინ იქნება Neuralink-ის შემდეგი პაციენტი — რა ვიცით
-
გადახედვაბელას ადგილას, ედვარდს დავშორდებოდი — კრისტენ სტიუარტი ბელას ადგილას, ედვარდს დავშორდებოდი — კრისტენ სტიუარტი
-
გადახედვამამუკა ხაზარაძე: რეალურად, ვდგავართ ძალიან დიდ გზაჯვარედინზე — ან ევროპა ან რუსეთი მამუკა ხაზარაძე: რეალურად, ვდგავართ ძალიან დიდ გზაჯვარედინზე — ან ევროპა ან რუსეთი
-
გადახედვაინტერნეტის სიჩქარე რამდენიმე მილიონჯერ გაზარდეს — როგორ გადაიტანეს წამში 301 ტერაბიტი ინტერნეტის სიჩქარე რამდენიმე მილიონჯერ გაზარდეს — როგორ გადაიტანეს წამში 301 ტერაბიტი
-
კომენტარები