ამის შესახებ უწყება განცხადებას ავრცელებს.

რატომ არის მნიშვნელოვანი: გუშინ, 23 თებერვალს თბილისში არდაზანიას ქუჩაზე ოჯახი ძალის გამოყენებით გამოასახლეს.

  • მედიაში გავრცელებულ კადრებში ჩანს, რომ აღსრულების პოლიციის თანამშრომლები სახლში ღობიდან ძვრებიან, კარს ამტვრევენ, ოჯახის წევრები ძალის გამოყენებით გამოჰყავთ, ხოლო ვინც წინააღმდეგობას უწევს ბორკილს ადებენ.
  • აღსრულების ეროვნული სამსახურის განცხადებით, საქმე მათთან 2020 წლის მარტშია შესული, ხოლო "მორალური პრინციპების საფუძველზე" გამოსახლების პროცესი ერთხელ უკვე გადადეს.
  • ბიუროში ამბობენ, რომ 3 წლის განმავლობაში მხარეებს შორის საქმის მორიგებით დასრულების მიზნით მოლაპარაკებები აქტიურად მიმდინარეობდა, თუმცა შეთანხმებას ვერ მიაღწიეს.
  • მოვალის მიმართვის საფუძველზე პროკურატურაში საქმე აღიძრა, სასამართლოს კი გამოსახლების პროცესი არ შეუჩერებია.

დეტალები: სპეციალურმა საგამოძიებო სამსახურმა, აღსრულების ეროვნული ბიუროს პოლიციის თანამშრომლების მიერ უფლებამოსილების შესაძლო გადამეტების ფაქტზე, საქართველოს სისხლის სამართლის კოდექსის 333-ე მუხლის მესამე ნაწილის ბ ქვეპუნქტით დაიწყო.

  • მათი თქმით, ისინი ატარებენ ყველა საჭირო საგამოძიებო და საპროცესო მოქმედებას ობიექტური გამოძიების უზრუნველსაყოფად.