ამის შესახებ ინფორმაციას უკრაინული მედია ნატო-ს პრესსამსახურზე დაყრდნობით ავრცელებს.

რატომ არის მნიშვნელოვანი: ეს უკრაინის, ნატოსა და ევროკავშირის წარმომადგენლების პირველი შეხვედრაა ასეთ სამმხრივ ფორმატში.

  • მედიის ცნობით, შეხვედრა ნატოს შტაბ-ბინაში დილით გაიმართება, ერთობლივი პრესკონფერენცია 12:45 საათზეა დაგეგმილი.

დეტალები: მედიის ცნობით, ნატოს გენერალური მდივანი იენს სტოლტენბერგი, ევროკავშირის მთავარი დიპლომატი ხოსეპ ბორელი და საგარეო საქმეთა მინისტრი დიმიტრო კულება 21 თებერვალს ბრიუსელში შეხვდებიან.

  • "მოუთმენლად ველი იენს სტოლტენბერგთან და ხოსეპ ბორელთან შეხვედრას, რათა გავაძლიეროთ ჩვენი პარტნიორობა და თანამშრომლობა უკრაინისა და ევროპის დასაცავად", — განაცხადა დიმიტრო კულებამ.
  • როგორც მედიაშია ცნობილი, ორშაბათს კულება ევროკავშირის ქვეყნების საგარეო საქმეთა მინისტრებს შეხვდება — ევროკავშირის საბჭოს შეხვედრამდე საგარეო საქმეთა მეთაურების დონეზე.
  • ამის შემდეგ ევროპელი მინისტრები ცალ-ცალკე შეხვდებიან მოლდოვას საგარეო საქმეთა და ევროინტეგრაციის მინისტრს ნიკა პოპესკუს.