მაკდონალდს საქართველოს რესტორნებში მისულ სტუმრებს ამიერიდან მაკდონალდსის ახალი თანამშრომელი, ქეთო უმასპინძლებს, რომელიც სტუმრებს ხალისით, სიყვარულითა და მაკდონალდსის რესტორნებისთვის დამახასიათებელი განსხვავებული სითბოთი დახვდება. კომპანიაში ამბობენ, რომ ქეთო მაგიდასთან შეკვეთებსაც თავად მიიტანს, რითიც კიდევ უფრო გააუმჯობესებს მომსახურების ხარისხს.

"კომპანია მაკდონალდს საქართველო არ ღალატობს მთავარ ფასეულობას — დაუვიწყარი გახადოს რესტორანში სტუმრობა თითოეული მომხმარებლისთვის და დარჩეს სივრცედ, რომელიც ყველას გავაერთიანებს", — ნათქვამია კომპანიის მიერ გავრცელებულ განცხადებაში.

"ყველას მეგობარი ქეთო არა მხოლოდ სწრაფად მოგემსახურებათ, არამედ თავის ემოციებსაც გაგიზიარებთ, რესტორანში სტუმრობას დაუვიწყარ მოგზაურობად აქცევს და შექმნის მომენტებს, რომელიც კიდევ ერთხელ დაგარწმუნებთ, რომ მაკდონალდსი სწორედ ის ადგილია, რომელიც ყველას გვაერთიანებს. ქეთო სრულიად ახალი სიტყვაა მომსახურების სერვისში, რომლიც რესტორანში შემოსულ ნებისმიერ სტუმარს და განსაკუთრებით ბავშვებს, ხალისიან და კომფორტულ გარემოს შეუქმნის. რესტორნებში დასაქმებულთა რიცხვი არ შემცირდება და ქეთოს უპირველესი ფუნქცია სწორედ თანამშრომლებისთვის საქმის შემსუბუქება იქნება. უახლოეს პერიოდში ქეთო ეტაპობრივად, მაკდონალდსის სხვა რესტორნებშიც გამოჩნდება. საწყის ეტაპზე კი თბილისის 4 რესტორანსა და ქუთაისის ერთ რესტორანში უმასპინძლებს მომხმარებლებს", — აცხადებენ კომპანიაში.

საქართველოში გახსნის დღიდან დღემდე, თითქმის 25 წელია მაკდონალდსი თამამად იკავებს მოწინავე ადგილს იმ კომპანიებს შორის, ვინც ნოვატორული მიდგომებით გამოირჩევა და ერთ-ერთი პირველი ნერგავს მომსახურებაში ინოვაციებს და თანამედროვე ტექნოლოგიებს იყენებს.

ამას ადასტურებს ყოველწლიური საერთაშორისო აღიარებები და ჯილდოები, თუმცა გასული წელი ამ მხრივ მაკდონალდს საქართველოსთვის გამორჩეული იყო. გლობალურ აღიარებასთან ერთად, კომპანიას ფრედ ტერნერის სახელობის ოქროს თაღის ჯილდო გადაეცა და ევროპის დივიზიონში მაკდონალდსის საუკეთესო პარტნიორად დასახელდა.

საერთაშორისო აღიარების გარეშე არც ცალკეული რესტორნები დარჩენილა - 2022 წლის მონაცემებით, სპორტის სასახლესთან მდებარე მაკდონალდსის რესტორანი მსოფლიოში არსებულ მაკდონალდსებს შორის ტრანზაქციების რაოდენობით ევროპაში პირველ ადგილზე, მსოფლიოში კი საუკეთესო ოცეულში მოხვდა.