ჰოლივუდში მსახიობებს ხშირად უწევთ ისეთ სცენებში თამაში, რომლებიც მათთვის არაკომფორტულია, განსაკუთრებით კი, როცა ამ სცენებს სექსუალური ხასიათი აქვს. ბევრი მათგანი სექსის სცენების გადაღებაზე უარს შესაძლოა, იმიტომ ვერ ამბობდეს, რომ კარიერის შეფერხება აშინებდეს, თუმცა ამ ათმა წარმატებულმა მსახიობმა მაინც გადაწყვიტა, სექსის სცენების გადაღება შეეზღუდა ანდა საერთოდ უარი ეთქვა, მიუხედავად ფილმის პროდიუსერებისა თუ რეჟისორების განსხვავებული მოლოდინებისა.

მაშ ასე, 10 ცნობილი მსახიობი, რომელმაც სექსის სცენების გადაღებაზე უარი თქვა:

1. მეგან ფოქსი

მეგან ფოქსის თქმით, უამრავი სცენარი წაუკითხავს, რომლებშიც ქალ მსახიობებს ისეთ სცენებში სთხოვდნენ თამაშს, რომლის შესახებაც არ უნდოდა მის შვილებს სცოდნოდათ ან როდისმე ენახათ. ამ მიზეზით მსახიობს უამრავ როლზე უთქვამს უარი.

2. პენ ბეჯლი

პენ ბეჯლის თქმით, ერთგულება მისთვის ნებისმიერ ურთიერთობაში, მათ შორის მის ქორწინებაში, უმნიშვნელოვანესია. ამის გამო მსახიობმა ნეტფლიქსის პოპულარული სერიალის, You-ს, მე-4 სეზონში სექსის სცენების შემცირება მოითხოვა.

3. კირა ნაიტლი

კირა ნაიტლის თქმით, მისთვის კომფორტული არაა, გადაღების პროცესში შიშველი იყოს კაცების წინაშე, განსაკუთრებით მას შემდეგ, რაც ორი შვილი შეეძინა და მისმა სხეულმა ცვლილებები განიცადა.

4. რებელ უილსონი

რებელ უილსონი თითოეულ ხელშეკრულებაში ისეთი პირობის შეტანას ითხოვს, რაც გარანტიას მისცემს, რომ კამერის წინ შიშველი არ გამოჩნდება. იმ შემთხვევაში, თუ სცენა სიშიშვლეს მოითხოვს, მსახიობი დუბლიორის გამოყენებას ითხოვს.

5. ანა კენდრიკი

რებელ უილსონის მსგავსად, ანა კენდრიკმაც უარი თქვა კამერის წინ გაშიშვლებაზე. საჭიროების შემთხვევაში, ანაც დუბლიორის ჩართვას ითხოვს.

6. ჯულია რობერტსი

ჯულია რობერტისთვისაც არაკომფორტულია სექსის სცენების გადაღება. მსახიობის თქმით, სამი შვილის დედაა და გრაფიკულ სექსის სცენებში მონაწილეობას არ მიიღებს. გადაღების პროცესში ყოველთვის ითხოვს სექსუალური სცენების შემცირებას.

7. ალისონ უილიამსი

მიუხედავად იმისა, რომ ალისონ უილიამსი HBO-ს სერიალ Girls-ში სექსის სცენებში მონაწილეობდა, კამერის წინ სრულიად გაშიშვლებაზე მანაც უარი განაცხადა. მისი თქმით, ცდილობდა, გმირში თავისი შესაძლებლობების მაქსიმუმი ჩაედო, თუმცა არსებობს რაღაცები, რაც მხოლოდ მისია და არ აპირებს სხვებს გაუზიაროს.

8. სარა ჯესიკა პარკერი

სარა ჯესიკა პარკერიც ხელშეკრულებაში ყოველთვის ითხოვს ისეთი პირობის შეტანას, რომელიც გარანტიას მისცემს, რომ კამერის წინაშე შიშველი არ გამოჩნდება. მისი თქმით, თავს არაკომფორტულად იგრძნობდა, კამერის წინ გახდა რომ დასჭირვებოდა, თუმცა სხვა მსახიობებს, რომლებსაც ფილმებში გაშიშვლებაზე პრობლემა არ აქვთ, არ კიცხავს.

9. ჯესიკა ალბა

ჯესიკა ალბაც ამავე პირობის შეტანას ითხოვს თავის ხელშეკრულებებში. მსახიობის თქმით, არ უნდა, ოჯახის წევრებმა შიშველი ნახონ, განსაკუთრებით, არ სურს, ბებია-ბაბუამ ეკრანზე მის შიშველ მკერდს უყუროს ოჯახური შეკრებების დროს.

10. ბლეიკ ლაივლი

ბლეიკ ლაივლის თქმით, სიშიშვლე ყოველთვის ყურადღებას უფანტავს მაყურებელს და ეს ერთ-ერთი მიზეზია, რატომაც არ სურს, კამერის წინ შიშველი გამოჩნდეს. მსახიობის თქმით, როცა ფილმს უყურებს და ვიღაცის შიშველ მკერდს ხედავს, ფილმის სხვა დეტალები ავიწყდება და, საკუთარი სურვილის საწინააღმდეგოდ, მაინც სიშიშვლეს აშტერდება. კიდევ ერთი მიზეზი, რატომაც მსახიობს არ სურს სექსის სცენების გადაღება, ის დისკომფორტია, რომელსაც ასეთი სცენების გადაღების პროცესში იგრძნობდა.