ახალი ამბები On.ge

კახა კალაძე

15 Feb. 2023, 14:50

ეს არის იმ თამაშისა და შანტაჟის ნაწილი, რასაც ჩვენ მთელი ამ დროის განმავლობაში ვხედავთ და მას ხედავს საზოგადოებაც. საქართველოს ხელისუფლება ითამაშებს ქართული წესებით, გამოვა ქვეყნის ინტერესებიდან და გამოვა ჩვენი ხალხის ეროვნული ინტერესებიდან. ჩვენმა ხელისუფლებამ ყველაფერი გააკეთა და აკეთებს ამ რთულ გზაზე. თუმცა, თუ მათი მხრიდან პოლიტიკური გადაწყვეტილება იქნება მიღებული კანდიდატის სტატუსის არმიცემასთან დაკავშირებით, არ მოგვცემენ სტატუსს და თავისთვის დაიტოვონ.

მე უკვე ბევრჯერ ვთქვი და გავიმეორებ, რომ ეს არის დადგმული სპექტაკლი მიხეილ სააკაშვილის "შემოტანით" საქართველოში. ეს გაკეთდა იმისთვის, რომ მომხდარიყო დაპირისპირება, გადატრიალება. ე.წ. მეგობრებისთვის საქართველოს ხელისუფლება არ არის მისაღები იმიტომ, რომ არ ერთვება ომში, აკეთებს ყველაფერს, რაც ჩვენს ქვეყანას და ჩვენი ხალხის ინტერესებს ეხება.

ასე გამოეხმაურა თბილისის მერი კახა კალაძე ევროპარლამენტის განცხადებას. კუბილიუსის თმით, თუ ხელისუფლება სააკაშვილის მდგომარეობის მიმართ იგივე დამოკიდებულებას გააგრძელებს, მათთვის აშკარა იქნება, რომ საქართველოს მთავრობა არ ასრულებს რეკომენდაციებს. დღეს, 15 თებერვალს ევროპარლამენტში კენჭი უნდა უყარონ რეზოლუციას საქართველოს ყოფილი პრეზიდენტის, მიხეილ სააკაშვილის მდგომარეობაზე. რეზოლუციის ტექსტში შესულია შესწორებაც, სადაც ბიძინა ივანიშვილი ოლიგარქად არის მოხსენიებული და მისთვის სანქციების დაკისრებას ითხოვენ.

0 0

კომენტარები

კვირის ტოპ-5

  1. ანდრია ჯაღმაიძე ილია II-ის წერილსა და რუს მიტროპოლიტთან შეხვედრის კადრებს აქვეყნებს
  2. "თავმოყვარე მერია აპოლოს გამოისყიდდა" — ისტორიული კინოთეატრი კვლავ იყიდება | ვიდეო
  3. ანაკლიის პორტი — ვინ, როდის და რა პირობით ააშენებს ახალ საზღვაო კარიბჭეს?
  4. რა ევალება მამუკა მდინარძეს ახალ პოსტზე?
  5. მეუფე ზენონი: მეუფე შიო საშიშია საქართველოს ეკლესიისთვის პატრიარქად

გირჩევთ

ახლა კითხულობენ

გადახედვა

ირაკლი კობახიძე: ჩვენ მზად ვართ ღია დიალოგისთვის ყველა თემასთან დაკავშირებით, დაწყებული კანონებით

"ჩვენ მზად ვართ ღია დიალოგისთვის ყველა თემასთან დაკავშირებით. აქედან გამომდინარე, პოზიცია ნათელია. რა თემაც არ უნდა…