პენ ბეჯლიმ, რომელიც მაყურებელმა Netflix-ის პოპულარულ სერიალში You ჯო გოლდბერგის როლით გაიცნო, შოუს მე-4 სეზონში სექსის სცენების შემცირება მოითხოვა.

"ერთგულება ჩემთვის ნებისმიერ ურთიერთობაში მნიშვნელოვანია, განსაკუთრებით კი ჩემს ქორწინებაში," — განაცხადა მსახიობმა.

პენ ბენჯლის თქმით, იდეალურ სამყაროში ისურვებდა, რომ ინტიმური სცენები საერთოდ აღარ ეთამაშა ეკრანზე, თუმცა ხვდება, რომ ეს ვერ მოხერხდება.

"მე მოვაწერე ამ ხელშეკრულებას ხელი," — განაცხადა მან სერიალის კონტრაქტთან დაკავშირებით. — "მე დავთანხმდი ამ შოუში მონაწილეობას. ვიცი, რაც გავაკეთე. შოუს დნმ-დან მთლიანად ვერ ამოიღებ ამ ასპექტს. ჩემი ერთადერთი კითხვა იყო, რამდენად შეგვეძლო ამ სცენების შემცირება."

ფოტო: Netflix

მსახიობმა მადლიერება გამოხატა, რომ შოუს შემქმნელებმა მისი ეს თხოვნა გაითვალისწინეს და სექსის სცენები საგრძნობლად შეამცირეს.

You-ს მე-4 სეზონის პირველი ნაწილის ნახვა ნეტფლიქსზე უკვე შესაძლებელია, მეორე ნაწილი კი 2023 წლის 9 მარტს გამოვა.