ამის შესახებ ქეთი შავგულიძე სოციალურ ქსელში წერს.

რატომ არის მნიშვნელოვანი: 4 თებერვალს, ეროვნულ გალერეაში, კულტურის ცენტრ ათინათის გამოფენის გახსნაზე, მხატვარმა სანდრო სულაბერიძემ საკუთარი ნამუშევარი ჩამოხსნა და მის ნაცვლად, კედელზე დატოვა წარწერა — "ხელოვნება ცოცხალი და დამოუკიდებელია".

  • ფაქტზე შსს-მ გამოძიება ქურდობის მუხლით დაიწყო, რაც სასჯელის სახით 1-დან 2 წლამდე შინაპატიმრობას ან თავისუფლების 3-დან 5 წლამდე აღკვეთას ითვალისწინებს.
  • სულაბერიძის მხარდასაჭერად 12 თებერვალს აქციაც გაიმართა.
  • მომხდარს გამოეხმაურა ახალგაზრდა იურისტთა ასოციაციაც და თქვა, რომ გამოძიების დაწყება ქურდობის მუხლით არასწორია.
  • მოგვიანებით მხატვარმა შოთა აფციაურმა ეროვნული გალერეიდან ნამუშევრის გატანა მოითხოვა, რომელსაც კიდევ ერთი ხელოვანი შეუერთდა.

რას ამბობს ანდრო დადიანი: მხატვრის თქმით, ეს დღეები ტრიალებდა აზრი, რომ მთლიანად გამოფენა მოიხსნებოდა და ისიც ამ დრომდე ელოდებოდა განცხადებას ამის შესახებ.

  • "ყველა ადამიანის ინდივიდუალური ტემპი აქვს ფიქრის და მინდოდა კურატორისთვის გამომეცხადებინა ჩემი დიდი სიყვარული და თანადგომა საფიქრად მიცემული დროით და ჩემი სიჩუმით", — წერს დადიანი.
  • მისი თქმით, სულიერი გადარჩენის მიზნით, ინდივიდუალურად აკეთებს განცხადებას და კურატორის საქმის კურსში ჩაყენებითა და კანონიერი გზით გალერეიდან თავისი ავტოპორტრეტი მოაქვს.
  • როგორც ამბობს, განცხადებით, იურიდიულად, ყოველგვარი ხმაურის, პერფორმანსისა და ტელევიზიების გარეშე.
  • წერს, რომ ნებსით თუ უნებლიეთ ყველა მოძრაობა პოლიტიკურია და ამ მოწამლული ჰაერის შესუნთქვისას ჩვენი ფილტვები ონკოლოგიურ რისკებსა და პოლიტიკას ერთდროულად ეხება.
  • "ჩვენი მაცივარს შიგთავსი პოლიტიკურია, ჩვენი საჯარო და დიდწილად პირადი განწყობებიც კი პოლიტიკურია, ჰოდა ეს გამოფენაც მნიშვნელოვანი პოლიტიკური განაცხადია", — განმარტავს დადიანი.
  • მისი თქმით, გამოფენა ავტოპორტრეტი სარკეში, ქვეყანასა და ადამიანებს, უამრავი თვალსაზრისით, სარკედ გაუხდა, მან იმუშავა და დიდი მნიშვნელობისაა სოციალურ-კულტურულ კონტექსტში.

რას პასუხობს კურატორი: ქეთი შავგულიძე სოციალურ ქსელში მხატვრების საპასუხოდ მოკლე ტექსტს ავრცელებს, სადაც ნათქვამია, რომ თუ ვინმეს გალერეიდან ნამუშევრების წაღება უნდა, წაიღოს.