ხაბეიშვილი წულუკიანს: თქვენს სახელს ასე დაიმახსოვრებს ისტორია: ჯალა-თეა

13 Feb. 2023, 13:29

ის, ვინც საქართველოს გასაბჭოების შემდეგ მრავალი ასეული ქართული ეკლესია დაანგრია, საბჭოთა ჯალათია. ის, ვისაც მიაჩნია, რომ უკრაინაში საბჭოთა კავშირის აღდგენის სურვილით მოწყურებულ ომში რუსეთი ან ბოროტება გაიმარჯვებს და პარალელურად საქართველოში ანგრევს გელათს, საბჭოთა ჯალათია. სამწუხაროდ, საბჭოთა ჯალათობა წულუკიანების ოჯახური ტრადიციაა.

ძალიან ცოტა დრო გრჩებათ, ქალბატონო თეა, ჯალათების დრო იწურება. უკრაინა გაიმარჯვებს, საქართველო გათავისუფლდება და თქვენს სახელს ასე დაიმახსოვრებს ისტორია: ჯალა-თეა. და შესაბამისად, დღეს, ჩვენდა სამწუხაროდ, გვიწევს ამ ჯალათისთვის შეთავაზების გაკეთება კიდევ ერთხელ და საზოგადოებამ უნდა იცოდეს ჩვენი შეთავაზების შესახებ.

ჩვენ მზად ვართ, გელათთან დაკავშირებით, მსოფლიოს საუკეთესო სპეციალისტები, პროფესიონალები ჩამოვიყვანოთ საქართველოში უზრუნველვყოთ ეს, მათ შორის, ფინანსურად და გადავარჩინოთ გელათის ის ნაწილი, რაც ამ დრომდე ვერ გაანადგურა ქალბატონმა ჯალა-თეამ. და მე მოვუწოდებ, მათ შრის, კულტურის სამინისტროს გმირ თანამშრომლებს, ვინც წერენ კრიტიკულ დასკვნებს და სიმართლეს გელათის შესახებ. არ შეგეშინდეთ, ჩემო ძვირფასებო, თქვენს გვერდით ვარ ყველანაირად, იცით ჩვენი კონტაქტი, იცით ჩვენი მისამართი. თითოეული თქვენგანის გვერდით დავდგები. იმ ადამიანებს, ვინც ხელს არ აწერთ ქურდობას, კრიმინალს, ჯალათობას და პირდაპირ და ღიად საუბრობთ გელათში განვითარებულ მოვლენებზე.

შესაბამისად, უნდა გავდევნოთ ჯალათები, წულუკიანები, მაჯლაჯუნებიც და ეშმაკებიც გელათიდან. ჩვენ მზად ვართ, მსოფლიოში საუკეთესო სპეციალისტების ჩამოყვანა უზრუნველვყოთ იმისთვის, რომ გადავარჩინოთ გელათი.

ბოლო ამბები:

ლევან ხაბეიშვილი ხაბეიშვილი წულუკიანს: თქვენს სახელს ასე დაიმახსოვრებს ისტორია: ჯალა-თეა

კომენტარები

კვირის ტოპ-5

გირჩევთ

ახლა კითხულობენ

დუაიტ ჰოვარდი პირველად Black Fortress-ის ფორმაში: ისტორიული დებიუტი 10 ოქტომბერს