ახალი ამოუცნობი ობიექტი კანადელმა და ამერიკელმა სამხედროებმა ჩამოაგდეს.

რატომ არის მნიშვნელოვანი: ეს მესამე ობიექტია, რომელიც ბოლო კვირის განმავლობაში ჩრდილოეთ ამერიკაში გაანადგურეს.

  • ამერიკელმა სამხედროებმა გასულ შაბათ-კვირას გაანადგურეს ჩინური ბუშტი, პარასკევს კი პატარა მანქანის ზომის უცხო ობიექტი ალასკასთან.

დეტალები: ინფორმაციას კანადის პრემიერ მინისტრი, ჯასტინ ტრუდო ადასტურებს.

  • მისი თქმით, მფრინავმა ობიექტმა, კანადის საჰაერო სივრცე დაარღვია.
  • იგი იუკონის თავზე, კანადის ჩრდილო-დასავლეთში ჩამოაგდეს ამერიკული F-22 გამანადგურებელი თვითმფრინავით.
  • თეთრმა სახლმა განაცხადა, რომ ობიექტს თვალყურს ადევნებდნენ და აკონტროლებდნენ ბოლო 24 საათის განმავლობაში