როკ მუსიკის ორდღიანი ფესტივალი Tbilisi JAM Fest 2016, რომელიც ზაჰესში დღეს, 4 ივნისს დაიწყო, დაწყებიდან მალევე მართლმადიდებელმა სასულიერო პირებმა მრევლთან ერთად ჩაშალეს.

ფესტივალზე მყოფმა ერთ–ერთმა პირმა, ცვატა ბერძენიშვილმა On.ge-ს განუცხადა, რომ სასულიერო პირები და მათთან ერთად მყოფი მოქალაქეები, კონცერტის შეწყვეტას ითხოვდნენ, მათი მთავარი არგუმენტი კი ის იყო, რომ "ახლოს სასაფლაოა" და "მუსიკის ხმა ეკლესიამდე ისმის".

ცვატა ბერძენიშვილის თქმით, ადგილზე მისული იყვნენ პოლიციელები, ადგილზე არ მომხდარა ფიზიკური დაპირისპირება. როგორც ორგანიზატორებმა დამსწრეებს განუცხადეს, მათ შესაძლოა ალტერნატიულ ადგილზე ჩაატარონ ჩაშლილი ფესტივალი.

ფესტივალის ჩაშლის იგივე მიზეზებზე საუბრობენ იქ მყოფი სხვა პირებიც. ედიტა ბადასიანი ფეისბუკზე წერს, რომ ფესტივალის ტერიტორიაზე ჩაქრა შუქი, ენერგო პრო ჯორჯიას კი მიზეზი არ დაუსახელებია.

ფესტივალზე დასწრების ღირებულება 30–დან 80 ლარამდე მერყეობდა. ღონისძიების ფარგლებში მსენელის წინაშე შემდეგი შემსრულებლები უნდა გამოსულიყვნენ:

4 ივნისი

  • xResistenciAx [ge]
  • EUPHORIA [am]
  • PYRAWEED [az]
  • E.T.C. [ge]
  • DAGDAGANI [ge]
  • SUMMONED TIDE [swe]
  • DISMORIAL [ge]
  • JINJER [ua]

5 ივნისი

  • THIRD SIDE JUSTICE [ge]
  • INFADUS [ge]
  • NAIRI [am]
  • PERFECT LEGACY [am]
  • MENTALISTY [ge]
  • SERUMHATRED [az]
  • WALKWAYS [il]
  • TIAMAT [swe]