ინფორმაციას ოფიიცალურ პირებზე დაყრდნობით საერთაშორისო მედიები ავრცელებენ.

დეტალები: პრეზიდენტ რეჯეფ თაიფ ერდოღანის განცხადებით, მხოლოდ თურქეთში 912 ადამიანი დაიღუპა და 5 383 დაშავდა.

• მისივე თქმით, მოსალოდნელია, რომ დაღუპულთა რიცხვი გაიზრდება, რადგან სამძებრო-სამაშველო სამუშაოები გრძელდება.
• ეს არის ყველაზე დიდი კატასტროფა ქვეყანაში 1939 წლის შემდეგ, განუცხადა ერდოღანმა ჟურნალისტებს და დასძინა, რომ შედეგად 2 818 შენობა ჩამოინგრა.
• მისი თქმით, ამ დროისთვის 45 ქვეყანისგან მიიღეს დახმხარების შეთავაზება.
• სირიის სახელმწიფო საინფორმაციო სააგენტო იტყობინება, რომ ქვეყანაში 320-ზე მეტი დაიღუპა, 1 000-ზე მეტი დაშავდა.
• თეთრი ჩაფხუტების სამაშველო სამსახურმა ასევე განაცხადა, რომ იმ ადგილებში, სადაც ისინი მოქმედებენ, 147 ადამიანი დაიღუპა და 340-ზე მეტი დაშავდა, ნაკლებად სავარაუდოა, რომ ეს შეტანილი იყოს ოფიციალურ სახელმწიფო მონაცემებში.

თურქეთში 10 ქალაქსა და პროვინციაში სასწავლო პროცესი ერთი კვირით შეწყდება.

• ვიცე-პრეზიდენტმა განაცხადა, რომ შეჩერებულია ფრენები ჰატაის პროვინციაში, ხოლო მარაშისა და ანტეპის აეროპორტები ასევე დაკეტილია მშვიდობიანი მოქალაქეებისთვის.
• საქართველოს საელჩოსა და გენერალურ საკონსულოებში ამოქმედებულია ცხელი ხაზი საქართველოს საელჩო ანკარაში +905336903040; +905392208280;
• გენერალურ საკონსულო სტამბოლში +905418184400;
• გენერალურ საკონსულო ტრაპიზონში +905413262226;

სირიაში სამოქალაქო თავდაცვის ორგანიზაციამ განაცხადა, რომ ჩრდილო-დასავლეთ სირიის სხვადასხვა ქალაქსა და სოფელში ჩამოინგრა ათეულობით შენობა და ნანგრევებში ხახლს ეძებენ.

• "ჩვენ გვჭირდება საერთაშორისო თანამეგობრობა, რომ რაღაც გააკეთოს, დაგვეხმაროს, დაგვეხმაროს. ჩრდილო-დასავლეთი სირია ახლა კატასტროფის ზონაა. ჩვენ გვჭირდება დახმარება ყველასგან ჩვენი ხალხის გადასარჩენად", — განაცხადა ისმაილ ალ აბდულამ თეთრი ჩაფხუტიდან.

გამოხმაურებები: გერმანიის საგარეო მინისტრის, ანალენა ბერბოკის განცხადებით, პარტნიორებთან ერთად, თურქეთისა და სირიის დასახმარებლად მზად არიან.

• ნიდერლანდების საგარეო საქმეთა მინისტრი წერს, რომ თურქეთში სამძებრო-სამაშველო ჯგუფს აგზავნიან.
• უკრაინის პრეზიდენტმა, ვოლოდიმირ ზელენსკიმაც კატასტროფის დახმარების მზაობა გამოთქვა და დაწერა, რომ ამ რთულ დროს თურქი ხალხის გვერდით დგანან.
• თეთრი სახლის ეროვნული უსაფრთხოების საკითხებში მრჩეველმა, ჯეიკ სალივანმა განაცხადა, რომ აშშ "ღრმად შეშფოთებულია" სირიასა და თურქეთში მომხდარი მიწისძვრით და მხარდაჭერა გამოუთქვა დაზარალებულებს.
• EU-ის უმაღლესმა წარმომადგენელმა, ჯოზეფ ბორელმა დაწერა, რომ მათი ფიქრები თურქ და სირიელ ხალხთანაა, ევროკავშირი კი დასახმარებლად მზადაა.
• პაკისტანის პრემიერმინისტრმა როგორც თურქ, ასევე, სირიელ ხალხს მიუსამძიმრა და დახმარების მსურველებს შეუერთდა.
• საქართველოს პრემიერმინისტრი, პრეზიდენტი, საგარეო უწყება და დიპლომატიური წარმომადგენლობები ღრმა მწუხარებას გამოთქვამენ მომხდარის გამო — მთავრობა თურქეთში სამაშველო ჯგუფს გზავნის. მათ ოფიციალურ განცხადებებში სირია ნახსენები არ არის.