ისინი სამუშაო პირობების გაუმჯობესებას ითხოვენ.

რატომ არის მნიშვნელოვანი: როგორც გაფიცული კურიერები ჟურნალისტებთან ჰყვებიან, ღირსეული სამუშაო პირობები არ აქვთ.

  • მათივე განცხადებით, ანაზღაურება, რომელსაც კომპანია უხდით, მიზერულია და ტარიფი უნდა გაიზარდოს.
  • სოლიდარობის ნიშნად, გაფიცულებს გლოვოს კურიერებიც შეუერთდნენ.

დეტალები: რესპუბლიკის მოედანზე შეკრებილმა კურიერებმა ვოლტის აპლიკაცია გათიშეს.

  • ისინი ამბობენ, რომ კომპანია გამომუშავებულ თანხაზე გაცილებით ნაკლებს უხდით.
  • "მოგვიმატონ ტარიფები, აქვთ მაგის რესურსი, რადგან ბევრ რისკთან, ბევრ ხარჯთანაა დაკავშირებული ჩვენი მომსახურება. ელემენტარული, სიცივეში დავდივართ, ყინვაში, მტვერში, უბედურებაში. მოთხოვნები თუ არ დაკმაყოფილდება, მოვილაპარაკებთ, როგორ ვიმოქმედოთ შემდეგში", — თქვა ერთ-ერთმა კურიერმა მთავარი არხთან.