ინფორმაციას არასამთავრობო ორგანიზაცია, საქართველოს დემოკრატიული ინიციატივა ავრცელებს.

რატომ არის მნიშვნელოვანი: 2021 წლის 13 სექტემბერს ერთ-ერთი ღია წყაროზე აიტვირთა სასულიერო პირებთან, ჟურნალისტებთან აქტივისტებთან, დიპლომატებთან და სხვა პირებთან დაკავშირებით მასალები, რომელმაც სავარაუდოდ, სახელმწიფო უსაფრთხოების სამსახურიდან გაჟონა.

  • ოფიციალურად მისი ავთენტურობა დადასტურებული არ არის, თუმცა საკუთარი თავი არაერთმა ადამიანმა ამოიცნო.

დეტალები: GDI-ს განცხადებით, დაზარალებულად ცნობის შესახებ პროკურატურის გადაწყვეტილებამდე საგამოძიებო ორგანოს ნიკა გვარამიას გამოკითხვის მოთხოვნით 2022 წლის 18 ნოემბერს მიმართეს.

  • "2023 წლის 10 იანვარს პროკურატურისგან გვარამიასთვის დაზარალებულის სტატუსის მინიჭება მოვითხოვეთ";
  • "მას შემდეგ კი, რაც ჩვენს ბოლო მოთხოვნაზე პასუხი კანონით დადგენილ ვადაში არ მივიღეთ, ნიკა გვარამიას დაზარალებულად ცნობის შესახებ საჩივარი საქართველოს გენერალურ პროკურორთან წარვადგინეთ", — წერს ორგანიზაცია

არქივიდან: ე.წ ფარული მოსმენების საქმეს საერთაშორისო პარტნიორების მხრიდან არაერთი კრიტიკული გამოხმაურება მოჰყვა.

  • მედიაომბუდსმენმა 10 ჟურნალისტის უკანონო მოსმენის საქმეზე ევროპულ სასამართლოში საჩივარი წარადგინა.