ამერიკელი მოკრივე და 1960 წლის ოლიმპიური თამაშების ჩემპიონი მუჰამედ ალი, 74 წლის ასაკში გარდაიცვალა. ამის შესახებ BBC იუწყება, გარდაცვლილის ოჯახის წევრზე დაყრდნობით.

ყოფილი მსოფლიო ჩემპიონი და ერთ-ერთი ყველაზე ცნობილი სპორტსმენი მსოფლიოში, აშშ-ში, არიზონას შტატში, პოენიქსში გარდაიცვალა.

მუჰამედ ალის სასუნთქი სისტემის დაავადება ჰქონდა, რასაც კიდევ უფრო ართულებდა პარკინსონის დაავადება.

ალის მშობლიურ ქალაქში, კენტუკიში დაკრძალავენ.

მუჰამედ ალი

მუჰამედ ალი

ფოტო: John Rooney / AP

დაბადებიდან მისი სახელი კასიუს კლეი იყო. მან სახელი ისლამზე მოქცევის გამო გამოიცვალა. ალი პირველი მძიმეწონოსანი მოკრივე გახდა, ვინც 1964, 1974 და 1978 წლებში მსოფლიო ჩემპიონობა სამჯერ მოიპოვა.

ალიმ თავისი კარიერის განმავლობაში, 61 ბრძოლიდან 56 მოიგო და პენსიაში 1981 წელს გავიდა.