კვლევას პეკინის უნივერსიტეტი აქვეყნებს, სადაც მონაცემები 11 იანვრის მდგომარეობით თარიღდება.

რატომ არის მნიშვნელოვანი: ჩინეთმა კორონავირუსის ყოველდღიური სტატისტიკის წარმოება მას შემდეგ შეწყვიტა, რაც ქვეყანაში კოვიდის ნულოვანი ტოლერანტობის პოლიტიკა შეწყდა.

  • კვირას, კორონავირუსის გავრცელების შემდეგ პირველად, ჩინეთმა საზღვრები სრულად გახსნა და გააუქმა კარანტინის ვალდებულება.
  • 23 იანვარს მშობლიურ ქალაქებში ასობით მილიონი ჩინელი ჩავა მთვარის ახალი წლის აღსანიშნავად.
  • ეპიდემიოლოგები ვარაუდობენ, რომ დღესასწაულის შემდეგ კორონავირუსის შემთხვევების რაოდენობა მკვეთრად გაიზრდება.

დეტალები: პეკინის უნივერსიტეტის ანგარიშის მიხედვით, ვირუსი ქვეყნის მოსახლეობის 64%-ს აქვს.

  • შემთხვევათა 91% განსუს პროვინციაზე მოდის, იუნანში ვირუსით ინფიცირებულია მოსახლეობის 84%, ხოლო ცინგჰაიში — 80%.
  • ჩინეთის დაავადებათა კონტროლის ცენტრის ყოფილი ხელმძღვანელის ვარაუდით, ქვეყანაში COVID-19-ის პიკი, სავარაუდოდ, ორ-სამ თვეს გაგრძელდება.
  • დიდ ქალაქებში ჯანდაცვის დაწესებულებები კოვიდ პაციენტებით არის გადატვირთული.
  • მთავრობის ოფიციალური პირები კი ამბობენ, რომ ჩინეთში ბევრმა პროვინციამ და ქალაქმა უკვე გადალახა ინფექციების პიკი.

მონაცემები: ჯანდაცვის მსოფლიო ორგანიზაციის შეფასებით, ჩინეთი კორონავირუსით გამოწვეულ სიკვდილიანობის რაოდენობას არასრულად აწარმოებს.

  • საერთაშორისო ჯანდაცვის ექსპერტების ვარაუდით, წელს ჩინეთში კოვიდთან დაკავშირებულ გარდაცვლილთა რაოდენობამ შესაძლოა მილიონს გადააჭარბოს.
  • ჩინეთის ჰენანის პროვინცია ერთადერთი ადგილია, რომელმაც ინფექციის ზრდის მაჩვენებლები გამოაქვეყნა.
  • თვის დასაწყისში პროვინციაში მოსახლეობის თითქმის 90% კოვიდ ინფიცირებულია.