ინფორმაციას დედაქალაქის მერია ავრცელებს.

რატომ არის მნიშვნელოვანი: ტრანსპორტის გადაადგილება ზოგიერთ ქუჩაზე — 4 თვით, რამდენიმე მონაკვეთზე კი ნახევარი წლით შეიზღუდება.

  • მიზეზად თბილისის მთავრობა წყალარინების ქსელის მოწყობის სამუშაოებს ასახელებს.

დეტალები: ხვალიდან მოძრაობა 6 თვით იზღუდება ცოტნე დადიანის მეორე შესახვევში, დავით აღმაშენებლისა და ცოტნე დადიანის ქუჩების დამაკავშირებელ საგზაო მონაკვეთზე.

  • საავტომობილო გადაადგილება შესაძლებელი იქნება დავით აღმაშენებლის ქუჩიდან პირდაპირ, ცოტნე დადიანის ქუჩის მიმართულებით, ასევე — უკუმიმართულებით.
  • 10 იანვრიდან 10 მაისის ჩათვლით მოძრაობა აიკრძალება აფხაზეთის ქუჩაზე.
  • მერიის განცხადებით, შეზღუდვა შეეხება აფხაზეთის პირველ და მეორე ჩიხს, ასევე, აფხაზეთის ქუჩას, ცოტნე დადიანის ქუჩიდან აფხაზეთის მესამე ჩიხამდე არსებულ საგზაო მონაკვეთს.
  • ავტომობილები აფხაზეთის ქუჩიდან გადაადგილებას შეძლებენ გაგრის, ილორის, ხვიტიასა და ცოტნე დადიანის პირველი გასასვლელის მიმართულებით.
  • მოძრაობა, ასევე, დასაშვები იქნება ერეკლეს, თამარ მეფის, გულბაანის, სოხუმის, პატარაიასა და დავით აღმაშენებლის ქუჩების გამოყენებით.
  • ანალოგიური მარშრუტი იმოქმედებს უკუმიმართულებით გადაადგილებისას.

სამუშაოების განმავლობაში მიკროავტობუსი N412 რუსთავის გზატკეცილიდან
(ქვემო ფონიჭალა, კორპუსი N19-ის მიმდებარედ) აფხაზეთის ქუჩამდე (აფხაზეთის III ჩიხი გადაკვეთა) იმოძრავებს.

  • უკუმიმართულებისას, მიკროავტობუსი მგზავრებს ანალოგიური მარშრუტით მოემსახურება.