TI ტელეკომპანია მაესტროდან თანამშრომლების დათხოვნასა და გადაცემების, საქმიანი დილა, ბიზნესკონტაქტი და ბიზნესკონტაქტი-ანალიტიკას დახურვას ეხმაურება და განმარტავს, რომ ბოლო წლების განმავლობაში არაერთი შემთხვევა დაფიქსირდა, როდესაც არხის ხელმძღვანელებთან თუ მფლობელებთან უთანხმოების გამო, ან მათი დაუსაბუთებელი გადაწყვეტილებით წამყვან ტელევიზიებს ტოვებენ ჟურნალისტები და იხურება პოპულარული გადაცემები:

"მიგვაჩნია რომ არხის ხელმძღვანელობის ხისტი გადაწყვეტილებები თანამშრომლებთან შრომითი ურთიერთობის გაწყვეტის თუ შეჩერების შესახებ უარყოფითად აისახება არხზე მომუშავე ჟურნალისტების სარედაქციო დამოუკიდებლობასა და მოტივაციაზე, რამაც შესაძლოა გააუარესოს მათი მუშაობის ხარისხიც".

საერთაშორისო გამჭვირვალობა მიიჩნევს, რომ აღნიშნული საყურადღებოა მოახლოებული საპარლამენტო არჩევნების ფონზე. გარდა ამისა, ორგანიზაციის თქმით, ზოგიერთ შემთხვევაში ეს ასევე ბადებს კითხვებს თავად ტელევიზიების ხელმძღვანელებისა და მფლობელების დამოუკიდებლობასთან დაკავშირებით.

ორგანიზაცია თქმით, მიუხედავად იმისა, კერძო კომპანიები თავისუფლები არიან თავიანთ საკადრო გადაწყვეტილებებში, არხის ხელმძღვანელობას და მფლობელებს აკისრიათ ვალდებულება უზრუნველყონ არხზე მომუშავე ჟურნალისტების სარედაქციო დამოუკიდებლობა და პროფესიული თავისუფლება.