საქართველოს ბანკი, როგორც ტექნოლოგიური ბანკი, განაგრძობს ინოვაციური ინიციატივების მხარდაჭერას და ახალგაზრდებში ტექ-უნარების განვითარების ხელშეწყობას. სწორედ ამიტომ, საქართველოს ბანკი წელს GITA-ს ოზურგეთის ტექნოპარკის პროექტის Game Jam ოზურგეთი მთავარი პარტნიორია.

ინიციატივის ფარგლებში, 17-18 დეკემბერს ოზურგეთში პირველი Game Jam გაიმართა. ეს იყო 48-საათიანი ჰაკათონი, რომელიც მიზნად ისახავდა, კომპიუტერული თამაშების შექმნით დაინტერესებული ახალგაზრდების ხელშეწყობას, მათში ტექნოლოგიური უნარების განვითარებასა და ლოკალურ დეველოპერულ ქსელში ინტეგრაციას.

ორი დღის განმავლობაში, ჰაკათონში მონაწილე გუნდები კვალიფიციური მენტორებისა და ტრენერების დახმარებით კომპიუტერული თამაშების დემო-ვერსიების შექმნაზე მუშაობდნენ. შედეგად, შვიდმა გუნდმა ჟიურის და აუდიტორიის წინაში საკუთარი თამაშები წარადგინა.

პირველი ადგილის მფლობელი გუნდი Da Vinchi's Dream გახდა. გუნდის ორივე წევრს — ზუკა კენჭუაშვილსა და ლუკა გორგაძეს საქართველოს ბანკის მიერ დაწესებული პრიზი — 5 000 ლარი გადაეცა.

Game Jam-ის ჰაკათონში მეორე ადგილზე გუნდი Arnold გავიდა, მესამე ადგილი კი AI-Hunter-მა დაიკავა.

თამაშების დეველოპმენტი მომავლის სფეროა, რომელიც შესაძლებლობას აძლევს ახალგაზრდებს, საკუთარი ფანტაზია რეალობად აქციონ, შექმნან უნიკალური პროდუქტი, რომელიც საინტერესო იქნება როგორც ლოკალური, ასევე საერთაშორისო ბაზრისთვის. Game Jam-ის ჰაკათონი კი ამ სფეროში უნარების განვითარებისა და საკუთარი თავის გამოცდის საუკეთესო საშუალებაა, რომელმაც ოზურგეთში თავი მოუყარა მოყვარულ და პროფესიონალ კომპიუტერული თამაშების შემქმნელებს და მისცა მათ შესაძლებლობა, გამოევლინათ საკუთარი პოტენციალი", — აღნიშნავს თამარ ნოზაძე, საქართველოს ბანკის ბრენდ მენეჯერი.

"საქართველოს ბანკის მხარდაჭერით, შესაძლებელი გახდა ოზურგეთში თამაშების დეველოპმენტის სეგმენტის ერთ-ერთი ყველაზე გავლენიანი Game Jam ჰაკათონის ჩატარება, რომელმაც მისცა სტიმული პროფესიონალ დეველოპერებს, ჩამოსულიყვნენ ოზურგეთში და შეექმნათ ისეთი თამაშები, რომლებსაც კომერციული პოტენციალი გააჩნიათ", — აღნიშნავს ოზურგეთის ტექნოლოგიური პარკის მენეჯერი ავთო თავდიშვილი.

გამარჯვებული გუნდების მიერ შექმნილი თამაშების ვიდეო მიმოხილვა და მათი აღწერები საქართველოს ბანკის სტუდენტური ბარათის Facebook გვერდზე დაიდება.