ამის შესახებ პროპაგანდისტულ რუსულ მედიასთან ვაჭრობის საკითხებში დე ფაქტო უწყების წარმომადგენელმა, ოლეგ ბარციცმა ისაუბრა.

რატომ არის მნიშვნელოვანი: McDonald's-მა რუსეთი და ბელარუსი უკრაინაში ომის დაწყების შემდეგ დატოვა და განაცხადა, რომ ამ ქვეყნებში ბიზნესის ქონა აღარ არის გამართლებული და არც ბრენდის ღირებულებს შეესაბამება.

  • მას შემდეგ ოკუპანტმა ქვეყანამ McDonald's-ის ჩანაცვლება სწრაფი კვების ობიექტების არაერთი გამოგონილი ბრენდით სცადა, მათ შორის — "სამამულო ქსელით".
  • ბელარუსის ლიდერმა კი თქვა, რომ ფუნთუშას შუაში თვითონაც გაჭრიან და "ორ ნაწილში ხორცს, კარტოფილს და სალათას ჩატენიან".

დეტალები: ბარციცის განცხადებით, აფხაზეთში სწრაფი კვების ობიექტი ქსელის განთავსება 2023 წლიდან იგეგმება.

  • "ყველა მცხოვრები, ექსპერტი, დამკვირვებელი ღრმა კმაყოფილებით აღიქვამს ასეთ ამბებს. ეს არ არის ერთი თვის საქმე, მაგრამ დარწმუნებული ვარ, რომ ეს მოხდება 2023 წელს", — თქვა მან.