მერია განმარტებით წერილს ავრცელებს და აცხადებს, რომ თბილისის ანძა ცისარტყელას ფერებში არ განათებულა.

რატომ არის მნიშვნელოვანი: Tbilisi Pride-მა სოციალურ ქსელში გაავრცელა ტელეანძის ფოტო, წარწერით "დღეს თბილისის ანძა ცისარტყელას ფერებში ანათებს".

  • აღნიშნული თბილისის მერიამ უარყო და განაცხადა, რომ ინფორმაცია სიმართლეს არ შეესაბამება და თბილისის ანძა განათებულია ევროკავშირის პროექტის ლოგოს ფერებში.

დეტალები: "როგორც მოგეხსენებათ, ევროკავშირის პროექტი — "მერების შეთანხმება — აღმოსავლეთ პარტნიორობა" 10 წლისთავს აღნიშნავს. სწორედ საიუბილეო ღონისძიებების ფარგლებში, თბილისის ანძა განათდა პროექტის ლოგოს ფერებში (ყვითელი, სალათისფერი, მწვანე, ცისფერი, ლურჯი)", — განაცხადეს მერიაში.

  • ორგანიზაცია Tbilisi Pride მერიის განცხადებას გამოეხმაურა და აღნიშნა, რომ "ანძა პრაიდის ფერებში ანთებული რა თქმა უნდა არ არის, რადგან თბილისის მერი ჰომოფობია".