ყურუა მერიის საახალწლო სლოგანზე: თავისუფლებაზე წინ თუ მშვიდობას აყენებ, მონაზე უარესი ხარ

29 Nov. 2022, 18:49

თბილისის საახალწლო სლოგანი იქნება მშვიდობის ქალაქი! მშვიდობა კარგია, ომი მხოლოდ გიჟებს უნდათ, შეუძლებელია ლოგინში კოტრიალს ვინმეს სანგარში ჯდომა ერჩივნოს მშვიდობა კარგია, მაგრამ ყველაფერზე წინ არ დგას.

მშვიდობაზე წინ ისეთი რაღაცებია რისთვისაც ბრძოლა ღირს, რისთვისაც იომებ და მშვიდობას დაიკიდებ, რისთვისაც ადგები საწოლიდან და სანგრის თხრას დაიწყებ მშვიდობაზე წინ ჩემთვის თავისუფლებაა, ჩემი, პატარა თავისუფლება, რომელსაც არც მშვიდობაში გავუცვლი ვინმეს, არც ფულში და არც საპარლამენტო მანდატში.

ამ ქვეყანაში ხალხი სულ იბრძოდა თავისუფლებისთვის და დღეს მშვიდობა გვაქვს პრიორიტეტად? მშვიდობაა მიღწევა? მშვიდობაა მიზანი? თავისუფლებაზე წინ თუ მშვიდობას აყენებ, მონაზე უარესი ხარ.

წადით ახლა დავით აღმაშენებლის სადღეგრძელო დალიეთ სიამაყით, იმასაც უყვარდა მშვიდობა, მაგრამ თავისუფლება უფრო უყვარდა და თქვენისთანა ხალხზე გული აერეოდა ალბათ. თბილისი გახდება თავისუფლების ქალაქი, შეიძლება დღეს არა, შეიძლება არც ხვალ, მაგრამ გახდება. მანქურთების საბლატაო არ არის აქ.

ბოლო ამბები: