საბურთალოს სითი მოლში ლიდერსპორტის გასართობი სივრცე — ჩემპიონთა ზონა გაიხსნა. სივრცე, რომელიც მსოფლიო ჩემპიონატის ფარგლებში შეიქმნა, მთელი თვის განმავლობაში იქნება ხელმისაწვდომი.

ჩემპიონთა ზონა გასართობ აქტივობებს აერთიანებს და ყველა მსურველისთვის უფასოდ არის ხელმისაწვდომი. ადგილზე გულშემატკივრებს საშუალება აქვთ კომფორტულ სივრცეში უყურონ საფეხბურთო მატჩებს. ასევე, ითამაშონ FIFA 23, ნამდვილი მოთამაშეების ზომის მაგიდის ფეხბურთი, ფეხის ბილიარდი და "სკამიდან სკამში".

მთელი დღის განმავლობაში, ფან-ზონა ღიაა ყველა სტუმრისთვის. ყოველ საღამოს კი გულშემატკივრებს საშუალება აქვთ მონაწილეობა მიიღონ წამახალისებელ გათამაშებებში და მოიგონ ლიდერსპორტის მიერ დაწესებული პრიზები. გათამაშებებში მოხალისეები მონაწილეობას მიიღებენ საფეხბურთო ქვიზებში, ერთმანეთს შეეჯიბრებიან ფიზიკურ და FIFA 23-ის თამაშებში.

ფოტო: ლიდერსპორტი

ლიდერსპორტის ჩემპიონთა ზონა 20 დეკემბრამდე, მთელი ჩემპიონატის განმავლობაში მიიღებს სტუმრებს. სივრცეში ყველა გასართობი უფასოდ არის ხელმისაწვდომი. შეჯიბრებების გამარჯვებულები კი ყოველდღე დაჯილდოვდებიან.

მისამართი: პეტრე ქავთარაძის ქუჩა #1, საბურთალოს სითი მოლი, მე-3 სართული.