ადამსების ოჯახზე გადაღებული ფილმები უკვე კლასიკადაა ქცეული კინოს ისტორიაში, ამიტომ გულშემატკივრები მსოფლიოს გარშემო სიხარულით შეეგებნენ ახალ შოუს — Wednesday, რომლის ნახვაც Netflix-ზეა შესაძლებელი და რომლის რეჟისორიც არც მეტი, არც ნაკლები ტიმ ბარტონია.

ფოტო: Netflix

ფოტო: Netflix

ჯენა ორტეგა, რომელიც 2022 წლის სერიალში ლეგენდარულ ვენსდეი ადამსს ასახიერებს, როგორც ჩანს, ამ როლისთვის მთელი ცხოვრება ემზადებოდა. მსახიობის თქმით, ბავშვობაში პატარა მკვდარ ცხოველებს "ავტოფსიას" უტარებდა.

"პატარა ხვლიკებს, რომლებსაც მკვდრებს ვპოულობდი ეზოში," — განმარტა ორტეგამ.

კითხვაზე, თუ რატომ მიისწრაფვის შავ-ბნელი როლების შესრულებისკენ, მსახიობმა ასევე გულწრფელად უპასუხა, რომ ეს მისთვის ძალიან ბუნებრივია.

"მგონია, რომ ერთმანეთს ვპოულობთ," — თქვა ჯენამ. — "რაღაც უხილავი ძაფით ვართ დაკავშირებულები სერიული მკვლელები, ურჩხულები და მე, სადაც არ უნდა წავიდე."