House of Cards-ისა Stanger Things-ის შემქმნელი Netflix პირველ თურქულენოვან სერიალს გადაიღებს.

ახალი, ათ ეპიზოდიანი დრამა ოსმალეთის იმპერის ისტორიისა და ლეგენდების მიხედვით შეიქმნება.

ნეტფლიქსის ახალი სერიალის მთავარი პერსონაჟი ახალგაზრდა კაცია, რომელიც აღმოაჩენს, რომ განსაკუთრებული ძალით არის დაჯილდოვებული, ამის შემდეგ კი შეკრებს ჯგუფს, რომელიც სტამბოლში შავ-ბნელ ძალებთან ბრძოლას იწყებს. მათი მისია ქალაქისა და კაცობრიობის გადარჩენა იქნება.

როგორც ამბობენ, არხმა შოუს გადაღება თურქული დრამის, დიდებული საუკუნის, წარმატების შემდეგ გადაწყვიტა, რომელიც მსოფლიო ბაზარზე, განსაკუთრებით კი ევროპაში, ერთ-ერთი ყველაზე გაყიდვადი სერიალია.

შოუს გამოსვლის სავარაუდო თარიღად 2018 წელი სახელდება და მას მთლიანად თურქეთში გადაიღებენ.