ვოლოდიმირ ზელენსკი: უკრაინა თავისუფალი იქნება, მთელი ჩვენი საზღვარი აღდგება

5 Nov. 2022, 00:29

რუსეთის ზარალის რეალური დონე რუსული საზოგადოებისთვის დაფარულია. უბრალოდ ატყუებენ ხალხს, რომ სავარაუდო სამობილიზაციო დავალება შესრულებულია. რუსეთის რეგიონებში და ჩვენს ოკუპირებულ ტერიტორიაზე ისინი აგრძელებენ ადამიანების შეგროვებას სიკვდილისთვის.

რუსეთის მაღალჩინოსნების გიჟური სიჯიუტე საუკეთესო მაჩვენებელია იმისა, რომ ყველაფერი, რასაც ისინი ეუბნებიან ზოგიერთ უცხოელ ლიდერს მათ სავარაუდო მზადყოფნის შესახებ მოლაპარაკებებზე, მცდარია.

როდესაც ვინმე ფიქრობს მოლაპარაკებებზე, ის არ ეძებს გზებს, რომ მოატყუოს გარშემომყოფები, რათა ხორცსაკეპ მანქანაში გაგზავნოს კიდევ ასობით ათასი ადამიანი, როგორც მობილიზებული ან რაიმე სახის დაქირავებული.

ჩვენ უბრალოდ მზად ვართ მშვიდობისთვის — სამართლიანი მშვიდობისთვის, რომლის ფორმულა არაერთხელ გამოგვითქვამს. მსოფლიომ იცის ჩვენი პოზიცია: ეს არის გაეროს წესდების პატივისცემა, ჩვენი ტერიტორიული მთლიანობის პატივისცემა, ჩვენი ხალხის პატივისცემა და სათანადო პასუხისმგებლობა ტერორზე — სასჯელი ყველას, ვინც დამნაშავეა და რუსეთის მხრიდან სრული კომპენსაცია ჩვენთვის მიყენებული ზიანისთვის.

უკრაინა თავისუფალი იქნება. მთელი ჩვენი საზღვარი აღდგება როგორც ხმელეთზე, ისე ზღვაზე, როგორც აღმოსავლეთში, ისე სამხრეთში.

ბოლო ამბები:

ვოლოდიმირ ზელენსკი ვოლოდიმირ ზელენსკი: უკრაინა თავისუფალი იქნება, მთელი ჩვენი საზღვარი აღდგება

კომენტარები

კვირის ტოპ-5

გირჩევთ

ახლა კითხულობენ

ილჰამ ალიევი: "ირანმა ტერორისტული აქტი ჩაიდინა აზერბაიჯანის ტერიტორიის, აზერბაიჯანის სახელმწიფოს წინააღმდეგ"