საპატრიარქოს იურისტი ედიშერ ქარჩავა On.ge-სთან საუბრისას განმარტავს, რას გულისხმობდა ბრალდებაში, რომლის მიხედვითაც ჭყონდიდის მიტროპოლიტ პეტრეს ილია მეორეს მოკვლა სურდა:

"მე მინდა დაგიზუსტოთ, რომ მეუფე პეტრეს სურვილია პატრიარქის ტახტიდან ჩამოცილება და მისი მოკვდინება, რაც მის თავში გულისხმობს მის ფიზიკურ ლიკვიდაციასაც. ტერმინს [მოკვდინება] აქვს მნიშვნელობა, მოკვლა და მოკვდინება ერთია, მაგრამ მოკვდინება უფრო ფართო ტერმინია და ის გულისხმობს ასევე სულიერ მოკვლას, ანუ პიროვნების წინააღმდეგ, ნებისმიერი ხერხითა და საშუალებით ბრძოლას და მის მოკვდინებას. ანუ არამარტო სულიერ, ფიზიკურ მოკვდინებასაც".

მეუფე პეტრემ ქარჩავას ბრალდებას უპასუხა და განაცხადა, რომ პატრიარქს მისი გარემოცვა დეზინფორმაციას აწვდის.