რომის პაპმა ფრანცისკემ მღვდლები და მონაზვნები ინტერნეტში პორნოგრაფიის ყურების საშიშროების შესახებ გააფრთხილა — თქვა, რომ "ეშმაკი იქედან შემოდის" და ეს ასუსტებს მღვდლის გულს.

რატომ არის მნიშვნელოვანი: პაპი ვატიკანში გამართულ სესიაზე საუბრობდა, როგორ უნდა ვისარგებლოთ ციფრული და სოციალური მედიით საუკეთესო მიზნებისთვის.

  • განაცხადა, რომ "პორნოგრაფია არის მანკიერება, რომელიც ბევრ მღვდელს და მონაზონსაც კი აქვს".
  • "სუფთა გული, რომელიც იესოს იღებს, ვერ მიიღებს პორნოგრაფიულ ინფორმაციას", — აღნიშნა ფრანციკემ.
  • მანვე მღვდელმსახურებს მოუწოდა წაშალონ მსგავსი შინაარსის საიტები თავიანთი ტელეფონებიდან, რათა "არ ჰქონდეთ ცდუნება ხელში".
  • რაც შეეხება ციფრულ სამყაროსა და სოციალურ ქსელში ნავიგაციას, პაპის აზრით, "ისინი გამოყენებულ უნდა იქნას, თუმცა ვირტუალურ სამყაროში ბევრი დრო არ უნდა დავკარგოთ".

პაპმა პორნოგრაფია ივნისშიც დაგმო როგორც "გამუდმებული თავდასხმა ქალისა და მამაკაცის ღირსებაზე".

  • მაშინ მან განაცხადა რომ მსგავსი ჟანრის ფილმები უნდა გამოცხადდეს საფრთხედ საზოგადოებრივი ჯანმრთელობისთვის.