2022 წლის სასაცილო ველური ბუნების კონკურსის გამარჯვებულები გამოვლინდნენ — ფოტოები
ფინალისტი ფოტოები მოიცავს უთავო მხედარსა და აგენტ ბუს, კენგურუებს "ტიტანიკის" ცნობილი სცენიდან და დათვს, რომელსაც, ჩვენს მსგავსად, ცხოვრება ყელში ამოუვიდა.
![](http://rachel.on.ge/2022/10/27/KBDxoJ3NrVwuvQBzpLeKEG-1200-80.jpg.jpg)
ფოტო: Alex Pansier/Comedywildlifephoto.com
ბუნება გრანდიოზული, მშვენიერი და ზოგჯერ სასაცილო რამ არის. მისი სახალისო მხარე 2022 წლის Comedy Wildlife Photography Awards-მა არაჩვეულებრივად წარმოაჩინა. ფინალისტი ფოტოები მოიცავს სუპერმოდელ ენოტს, კენგურუებს "ტიტანიკის" ცნობილი სცენიდან და დათვს, რომელსაც, ჩვენს მსგავსად, ცხოვრება ყელში ამოუვიდა. ბევრი რომ აღარ ვისაუბრო, დაათვალიერეთ ფოტოები და დატკბით:
კუნგ-ფუ ციყვი
![](http://phoebe.on.ge/2022/10/27/KBDxoJ3NrVwuvQBzpLeKEG-1200-80.jpg_635a53d0a8be6.jpg)
ფოტო: Alex Pansier/Comedywildlifephoto.com
ფოტოგრაფმა ალექს პანსიერმა საბრძოლო ხელოვნებაში მოვარჯიშე წითელი ციყვი გადაიღო.
ავსტრალიელი ჯეკი და როუზი
![](http://rachel.on.ge/2022/10/27/vMWW2h6q4cFPQbgwPsMWF9-1200-80.jpg.jpg)
ფოტო: Michael Eastwell/Comedywildlifephoto.com
თქვენი არ ვიცი და მზის ჩასვლისას კენგურუების თამაშის (ან ჩხუბის) ფოტომ "ტიტანიკის" ცნობილი სცენა მომაგონა.
"ჩემს ცხოვრებაში გასაღიმარი არაფერია"
![](http://rachel.on.ge/2022/10/27/vzF8KVTheQQJrvQkAsHgxP-1200-80.jpg.jpg)
ფოტო: Allison Buttigieg/Comedywildlifephoto.com
ფინელმა ფოტოგრაფმა ელისონ ბუტიგიეგმა კენიელი ლომის ეს საინტერესო გამომეტყველება აღბეჭდა.
მოგესალმებით!
![](http://monica.on.ge/2022/10/27/FGu2kqrhMznk4E4CVsV26g-1200-80.jpg.jpg)
ფოტო: Miroslav Srb/comedywildlifephoto.com
როგორც ჩანს, ეს ენოტი ფლორიდის სანაპიროზე, ფოტოებისთვის პოზების შერჩევას უკვე მიეჩვია.
თევზების სელფი
![](http://monica.on.ge/2022/10/27/ynrV5G8vnAfNPaCFFjQmo6-1200-80.jpg.jpg)
ფოტო: Arturo Telle Thiemann/Comedywildlifephoto.com
როგორც ჩანს, თევზების ეს სახეობა (Ballistes capriscus), ენოტის მსგავსად, ფოტოების გადაღებას მიჩვეულია.
არც თუ საუცხოო რეფლექსები
![](http://chandler.on.ge/2022/10/27/rqNB94TQACAbfZ2CYtfAPM-1200-80.jpg.jpg)
ფოტო: Jennifer Hadley/Comedywildlifephoto.com
სერენგეტელი (ტანზანია) 3 თვის ბოკვერი ხიდან ჩამოსვლისას ასეთ პოზაში აღმოჩნდა. საბედნიეროდ, ბოკვერს არაფერი დაშავებია და რამდენიმე სხვა მეგობართან სათამაშოდ გაიქცა.
მრბოლელი ზებრა
![](http://ross.on.ge/2022/10/27/8s9LMtmDw22gEcVw8aBTja-1200-80.jpg.jpg)
ფოტო: Vince Burton/Comedywildlifephoto.com
ბრიტანელმა ვინს ბარტონმა ეს კენიელი ზებრა უჩვეულო პოზაში დააფიქსირა.
დაგახრჩობ!
![](http://rachel.on.ge/2022/10/27/CUdhWkuY3JhK9pM6kQtGgk-1200-80.jpg.jpg)
ფოტო: Emmanuel Do Linh San/Comedywildlifephoto.com
სამხრეთ აფრიკელმა ფოტოგრაფმა სამხრეთ აფრიკის კალაჰარის ბილიკების ნაკრძალში ეს სურიკატები გადაიღო. "ჩემ მიერ შერჩეულ ფოტოში არ არის აგრესია, არამედ იმგვარი ურთიერთქმედებაა, რომელიც გვახსენებს ადამიანებს — მაგალითად, როცა მეგობარი შენზე იხუმრებს და ვითომ მის დახრჩობას გადაწყვეტ, საპასუხოდ კი ის პირს აღებს", — განმარტა ფოტოგრაფმა.
უკაცრავად... უკაცრავად!
![](http://rachel.on.ge/2022/10/27/aZzBdhNLH3KzGwY76LquzD-1200-80.jpg_635a53d10993b.jpg)
ფოტო: Ryan Sims/Comedywildlifephoto.com
ფოტოგრაფმა რაიან სიმსმა ვაშინგტონის ხუანიტა ბეის პარკში გადაიღო იხვის ჭუკი, რომელიც წყალზე გადასასვლელად კუებს იყენებდა.
თვალის ჩაკვრა
![](http://joey.on.ge/2022/10/27/pdWHkMzdYBwDgXJhW9apoR-1200-80.jpg.jpg)
ფოტო: Arshdeep Singh/Comedywildlifephoto.com
ინდოელმა ფოტოგრაფმა მილიდან ამომძვრალი ბუ "თვალის ჩაკვრისას" გამოიჭირა.
მეჩქარება!
![](http://rachel.on.ge/2022/10/27/3dHTBjR63W57HuMP9r7X9b-1200-80.jpg_635a53d11d6e5.jpg)
ფოტო: Bojan Bencic/Comedywildlifephoto.com
ხორვატიაში დაფიქსირებულ ამ გედს, როგორც ჩანს, მეგობრისთვის ცხელ-ცხელი ამბები ჰქონდა მოსაყოლი.
საჭმლის ქურდი
![](http://joey.on.ge/2022/10/27/ZpMpbf8h9DuooVoAP6QQe3-1200-80.jpg_635a53d128541.jpg)
ფოტო: Lincoln Macgregor/Comedywildlifephoto.com
ამ კაზუარმა ქუინსლენდში (ავსტრალია) პიკნიკზე წასული ადამიანები შეაშინა. "ხანჯლისმაგვარი კლანჭებით შეიარაღებული და ხშირად აგრესიული ტერიტორიაზე შემოჭრილებისა და თავდამსხმელების მიმართ, კაზუარები პატივისცემას ითხოვენ და ადამიანების უმეტესობა მათგან უსაფრთხო დისტანციას იცავს", — აღნიშნა ფოტოგრაფმა ლინკოლნ მაკგრეგორმა. "რამდენიმე დღე გავატარე მათი ქცევის ფოტოგრაფიასა და დოკუმენტირებაში ეტის ყურეში, სადაც ეს გარეული ფრინველები რეგულარულად შედიან ადამიანებთან კონტაქტში და ადამიანებთან მიახლოება მათთვის უკვე კომფორტულია."
უხერხული ღიმილი
![](http://monica.on.ge/2022/10/27/jc2qQ9FJVH6vhTirN3xJEH-1200-80.jpg_635a53d1320df.jpg)
ფოტო: Jorn Vangoidtsenhoven/Comedywildlifephoto.com
ენოტისა და თევზებისგან განსხვავებით, როგორც ჩანს, ეს ლოსი ფოტოების გადაღებას მიჩვეული არაა.
სტომატოლოგი ყანჩა
![](http://ross.on.ge/2022/10/27/QTp4YFPBXkBgxGRAj7ApuT-1200-80.jpg.jpg)
ფოტო: Jean Jacques Alcalay/Comedywildlifephoto.com
სამხრეთ აფრიკის კრუგერის ეროვნული პარკის ამ ფოტოზე კადრი ისეთი პერსპექტივითაა წარმოჩენილი, თითქოს ყანჩა (რომელიც ჰიპოპოტამის ზურგზე დგას) მალე ჰიპოპოტამის საუზმე გახდება.
დედობა რთულია
![](http://phoebe.on.ge/2022/10/27/cSpPDDWezcZYHST9rqMosm-1200-80.jpg_635a53d146cc7.jpg)
ფოტო: Sophie Hart/Comedywildlifephoto.com
როგორც ჩანს, დედა მაიმუნებსაც აქვთ ასეთი მომენტები. პატარა გრძელკუდიანი მაკაკა (Macaca fascicularis) ეხუტება დედას, რომელსაც, როგორც ჩანს, ჩახუტების ნაცვლად, დასვენება უნდა.
სალამი!
![](http://monica.on.ge/2022/10/27/cWdoGH2xiucgwbBWudNu6C-1200-80.jpg.jpg)
ფოტო: Dave Shaffer/Comedywildlifephoto.com
დათვის ბელმა ფოტოგრაფ დეივ შაფერს ხელი დაუქნია.
თავხედი ციყვი
![](http://rachel.on.ge/2022/10/27/pL4r4Fa85hAxrZ3PNsicyi-1200-80.jpg_635a53d15bdc5.jpg)
ფოტო: Lee Zhengxing/Comedywildlifephoto.com
ჭუციუეს ეროვნულ პარკში მცხოვრებმა ციყვმა ფოტოგრაფ ლი ჭენგსინგს ენა გამოუყო.
აგენტი ბუ
![](http://ross.on.ge/2022/10/27/vr4SecKVXDAqshigrDTym9-1200-80.jpg.jpg)
ფოტო: Lukas Zeman/Comedywildlifephoto.com
ბულგარეთში ფოტოგრაფ ლუკას ზემანს პატარა ბუ ძველი სახლის საკვამურიდან ზვერავდა.
ერთი კაციც და...
![](http://phoebe.on.ge/2022/10/27/CADfGkPPSikZyoNkz8oQ7N-1200-80.jpg.jpg)
ფოტო: Corinne Kozok/Comedywildlifephoto.com
ფარნის კუნძულებზე მცხოვრები ეს Uria aalge დასაშვებად უსაფრთხო ადგილს ეძებს.
უთავო მხედარი
![](http://ross.on.ge/2022/10/27/HGsnHw7bocUv8wuhyYUbyZ-1200-80.jpg.jpg)
ფოტო: Martin Grace/Comedywildlifephoto.com
ეს იმპერატორი პინგვინი (Aptenodytes patagonicus), ერთი შეხედვით, უთავოდ გამოიყურება.
შეუპოვარი თევზი
![](http://phoebe.on.ge/2022/10/27/PvW8c8zm67BJcxMCwgAxbm-1200-80.jpg.jpg)
ფოტო: John Chaney/Comedywildlifephoto.com
ფოტოგრაფი ჯონ ჩანის თქმით, ამ შეუპოვარმა ორაგულმა სადილად ყოფნას დათვთან ბრძოლა არჩია.
ბევრი მოუვიდა
![](http://ross.on.ge/2022/10/27/xreMvMUUHqZW3DzPRApfeC-1200-80.jpg.jpg)
ფოტო: Paul Eijkemans/Comedywildlifephoto.com
ნიდერლანდელმა ფოტოგრაფმა პოლ ეიკემანსმა გადაიღო Rhinecanthus aculeatus, რომელმაც მარჯნის ნარჩენები აღებინა.
ფეხბურთელი ქორი
![](http://chandler.on.ge/2022/10/27/LVPSChfMEnAnKiMSk48hFT-1200-80.jpg.jpg)
ფოტო: Jia Chen/Comedywildlifephoto.com
ონტარიოში (კანადა) ქორი გირჩით თამაშისას გადაიღეს.
გაბეზრებული დათვი
![](http://monica.on.ge/2022/10/27/9QcAHZDbYN5VAp8Khz2vZc-1200-80.jpg.jpg)
ფოტო: Paolo Mignosa/Comedywildlifephoto.com
მურა დათვის ეს ქვესახეობა (Ursus arctos beringianus) გვხვდება მხოლოდ კამჩატკას ნახევარკუნძულსა და მიმდებარე კუნძულებზე. იტალიელმა ფოტოგრაფმა პაოლო მინოზამ დათვი მდინარის მახლობლად თამაშისას დააფიქსირა.
როცა გექავება
![](http://joey.on.ge/2022/10/27/3aHrXiquunC67QvLzhMNH-1200-80.jpg.jpg)
ფოტო: Kevin Lohman/Comedywildlifephoto.com
კალიფორნიის ველური ბუნების თავშესაფარში მცხოვრები ციყვი ფოტოგრაფმა კევინ ლოჰმანმა ჯოხზე ქავილისგან გათავისუფლების მცდელობისას გადაიღო.
კომენტარები