თურქეთის მთავრობამ ოკლაჰამა სიტი თანდერის თურქი მეფარის, ენეს კანტერის დაკავების ოდერი გამოაქვეყნა. მას ბრალი ტერორისტული ჯგუფის წევრობაში ედება. ამის შესახებ ESPN ადგილობრივ სამთავრობო მედიაზე დაყრდნობით წერს.

კანტერი ფეტულა გიულენისა და გიულენის მოძრაობის მხარდამჭერია. 2016 წელს სამხედრო გადატრიალების მცდელობაში თურქეთის პრეზიდენტმა, რეჯეპ ტაიპ ერდოღანმა გიულენი და მისი მხარდამჭერები დაადანაშუალა. ამ დადანაშაულებს თავად გიულენი არ დაეთანხმა.

თურქეთში კანტარის ტვიტერი დაბლოკილია. ადგილობრივი მედიის ინფორმაციით, მას ოჯახთან კომუნიკაცია ბოლო ორი წლის განმავლობაში არ ქონია. გასულ კვირას კი, კანტარი რუმინეთში დააკავეს. მას თურქეთის მთავრობამ პასპორტი გაუუქმა. ამის გამო კანტარმა ერდოღანს "ამ საუკუნის ჰიტლერი" უწოდა.

კანტარი "გრინ ქარდის" დახმარებით ლონდონის გავლით ამერიკის შეერთებულ შტატებში ორშაბათს დაბრუნდა. ის გეგმავს ამერიკის მოქალაქე გახდეს.