სალომე ზურაბიშვილი მიესალმება აზერბაიჯანის რესპუბლიკის პრეზიდენტის სამუშაო ვიზიტს საქართველოში და გამოხატავს მზაობასა და სურვილს, უახლოეს მომავალში, ოფიციალური ვიზიტით უმასპინძლოს მას.

რატომ არის მნიშვნელოვანი: ადმინისტრაციის განცხადებით, საქართველოს პრეზიდენტის სურვილისა და მზაობის მიუხედავად, ვერ შედგა შეხვედრა, რომელიც ქვეყანაში ყველა სახელმწიფო მეთაურის ვიზიტისას ტრადიციულად იმართება.

  • "საკითხის მნიშვნელობიდან გამომდინარე, საქართველოს პრეზიდენტის ადმინისტრაცია მიზანშეწონილად მიიჩნევს საზოგადოებას აცნობოს, რომ პრეზიდენტი არ ყოფილა ინფორმირებული ჩვენი მეზობელი და მეგობარი ქვეყნის პრეზიდენტის, ბატონი ილჰამ ალიევის საქართველოში სამუშაო ვიზიტის შესახებ", — ვკითხულობთ განცხადებაში.

დეტალები: აზერბაიჯანის პრეზიდენტი საქართველოში დღეს, სამუშაო ვიზიტით ჩამოვიდა.

  • პრემიერთან შეხვედრაზე მან პოლიტიკური, ეკონომიკური, კულტურული და სხვა ტიპის კავშირების განმტკიცებაზე ისაუბრა.
  • ალიევმა და ღარიბაშვილმა რეგიონსა და მსოფლიოში უსაფრთხოების თვალსაზრისით არსებული გამოწვევებიც განიხილეს.

On.ge ცდილობს მთავრობის ადმინისტრაციასთან დაკავშირებას. მათ პასუხს მიღებისთანავე შემოგთავაზებთ.