როგორც პარტიის განცხადებაშია ნათქვამი, ამის მიზანი ქართული ოცნების მხრიდან სასამართლო სისტემაზე კიდევ უფრო მეტი კონტროლის დამყარებაა.

რატომ არის მნიშვნელოვანი: დღეს, 23 ოქტომბერს იუსტიციის საბჭოში მოსამართლე წევრებად დიმიტრი გვრიტიშვილი და ლევან მურუსიძე აირჩიეს.

  • მოსამართლე წევრობის ადგილები ვაკანტური მას შემდეგ გახდა, რაც გიორგი გოგინაშვილმა და გოჩა აბუსერიძემ პირადი განცხადების საფუძველზე საბჭო დატოვეს.

  • ლევან მურუსიძე და დიმიტრი გვრიტიშვილი ე.წ. სასამართლო კლანის გავლენიან წევრებად მოიაზრებიან.

  • არასამთავრობო სექტორმა, საერთაშორისო პარტნიორებმა და ოპოზიციამ არაერთხელ აღნიშნა, რომ მოსამართლეთა ნაწილი გადაწყვეტილებებს მმართველი გუნდის პოლიტიკური დაკვეთით იღებს.

დეტალები: სტრატეგია აღმაშენებელში ამბობენ, რომ "კლანის" გავლენიანი წევრების საბჭოში დაბრუნება პირდაპირ ეწინააღმდეგება ევროკომისიის რეკომენდაციებს.

  • მათივე თქმით, ნაცვლად საბჭოს რეფორმისა, წევრებად მაღალი სანდოობის, რეპუტაციისა და მიუკერძოებელი კადრების დანიშვნისა, ადგილი ე.წ. კლანის წევრს მოსამართლეებს დააკავებინეს.

პარტიაში ამბობენ, რომ ეს გადაწყვეტილება კიდევ ერთხელ მიუთითებს შემდეგ ფაქტზე: "პრორუსი "ოცნება" არ აპირებს არცერთი რეკომენდაციის შესრულებას კანდიდატის სტატუსის მისაღებად".

  • "როგორც ჩანს, პრორუსმა ქართულმა ოცნებამ გააკეთა უკვე არჩევანი ბრიუსელსა და მოსკოვს შორის, მოსკოვის სასარგებლოდ".