"ჩვენი მოსაზრებები და რეკომანდაციები დააჩქარებს პროცესს", - ამის შესახებ ნატოს საპარლამენტო ასამბლეის პრეზიდენტმა, პაოლო ალიმ საქართველოს პარლამენტის თავმჯდომარესთან ერთად გამართულ ერთობლივ პრესკონფერენციაზე ისაუბრა.

საზოგადოებრივი მაუწყებლის ჟურნალისტის კითხვაზე - გაიზიარებს თუ არა ალიანსი ასამბლეის რეკომენდაციებს, საქართველოსთვის წევრობის სამოქმედო გეგმასთან დაკავშირებით - პალო ალიმ უპასუხა, რომ ასამბლეის რეკომენდაციებს, როგორც წესი იზიარებს ხოლმე ნატო: "რაზეც ახლა ვმუშაობთ, ამას გაიზიარებს რა თქმა უნდა ნატო, იმიტომ რომ ჩვენი საპარლამენტო ასამბლეა საკმაოდ ძლიერია".

პაოლო ალის თქმით, ნატოს საპარლამენტო ასამბლეას, ისევე, როგორც უკრანასთან, საქართველოსთანაც განსაკუთრებული ურთიერთობა აქვს:

"სტაბილურობა, უშიშროება და უსაფრთხოება საქართველოში, ძალიან მნიშვნელოვანია მთელი რეგიონის სტაბილურობისთვის. საქართველოს ტერიტორიული მთლიანობის მხარდაჭერით, ფაქტობრივად, ჩვენ ჩვენს ქვეყნებს ვიცავთ. სწორედ ეს არის მიზეზი, რომ ჩვენ გადავწყვიტეთ აქ ჩამოვსულიყავით".

დღეიდან 29 მაისის ჩათვლით, თბილისი ნატოს საპარლამენტო ასამბლეის საგაზაფხულო სესიას მასპინძლობს.