ამერიკის შეერთებული შტატების პრეზიდენტის, ჯო ბაიდენის ადმინისტრაცია ეროვნული უსაფრთხოების ახალ სტრატეგიას აქვეყნებს.

რატომ არის მნიშვნელოვანი: 48-გვერდიან დოკუმენტში საუბარი ასოცირებული ტრიოს ქვეყნებზე, მათ მხარდაჭერასა და თანამშრომლობის გაღრმავებაზეცაა.

  • აღნიშნულია, რომ აშშ საქართველოსა და მოლდოვას ევროპულ მისწრაფებებსა და მნიშვნელოვანი ინსტიტუციური რეფორმების მიმართ ერთგულებას უჭერს მხარს.

დეტალები: ნათქვამია, რომ რამდენადაც, აშშ მხარს უჭერს უკრაინას, ასევე, მუშაობენ სხვა ქვეყნების სტაბილურობისა და გამძლეობის გასაძლიერებლადაც.

  • "დავეხმარებით დასავლეთ ბალკანეთში ჩვენს პარტნიორებს დემოკრატიული ინსტიტუტების გაძლიერებაში, კანონის უზენაესობა და ეკონომიკური განვითარების გაძლიერებაში".
  • გარდა ამისა, საუბარია იმაზეც, რომ აშშ მხარს დაუჭერს სამხრეთ კავკასიაში კონფლიქტის მოსაგვარებლად საჭირო დიპლომატიურ ძალისხმევას.