აზერბაიჯანის პრეზიდენტმა ილჰამ ალიევმა პლატფორმის შექმნის მნიშვნელობაზე ისაუბრა.

რატომ არის მნიშვნელოვანი: ალიევის თქმით, სამმხრივი ფორმატი სამხრეთ კავკასიაში მშვიდობასა და სტაბილურობას უზრუნველყოფს.

  • აღნიშნა ისიც, რომ ამ ფორმატში შესაძლებელია ენერგეტიკის, კომუნიკაციების და სხვა ორმხრივი ინტერესის საკითხების განხილვა.

საქართველო: საგარეო საქმეთა მინისტრის, ილია დარჩიაშვილის განცხადებით, საქართველო ყოველთვის მზადაა, თბილისი იყოს ადგილი, სადაც სამხრეთელი მეზობლები შეძლებენ მშვიდ და წყნარ დიალოგს.

  • "რათა კონკრეტული შედეგი მიიღონ ამ მოლაპარაკებებიდან და ჩვენს რეგიონში დამყარდეს მშვიდობა და სტაბილურობა", — დარჩიაშვილის კომენტარს საგარეო ავრცელებს.
  • მისი თქმით, საქართველოს ამ პროცესში არანაირი წინაპირობები არ აქვს.
  • "ნებისმიერ დროს, მათთვის სასურველ დროსა და სივრცეში, ჩვენს ქვეყანაში მზად ვართ, რომ ვუმასპინძლოთ ჩვენს მეზობლებს და დავეხმაროთ, თუკი ამის საჭიროება იქნება, გააძლიერონ დიალოგი და გააღრმაონ ეს პროცესი იმისთვის, რომ მივაღწიოთ მშვიდობას რეგიონში".

აქამდეც, საქართველოს მთავრობას არაერთხელ გაუკეთებია განცხადება, რომ მზადაა შეასრულოს შუამავლის როლი რეგიონში ვითარების დეესკალაციისა და მშვიდობისთვის.

  • 16 ივლისს თბილისში სომხეთისა და აზერბაიჯანის საგარეო საქმეთა მინისტრების შეხვედრა გაიმართა.