ნაცვლიშვილი მინისტრს: ორნიშნა ეკონომიკური ზრდა მოქალაქეებმა როდის უნდა იგრძნონ?

6 Oct. 2022, 17:49

ძალიან არ მინდა, რომ ეჭვი შევიტანო თქვენს მიერ გადმოცემულ ფაქტებში, მაგრამ ფიცი მწამს და ბოლო მაკვირვებს. აი, ეს ორნიშნა ეკონომიკური ზრდა საქართველოს მოქალაქეებმა როდის უნდა იგრძნონ? ვერ გრძნობენ საქართველოს მოქალაქეები ამას.

აი, ასე კარგად რომ იყოს ქვეყანაში მდგომარეობა, როგორც ახლა თქვენ გვიყვებოდით, ისტორიულ მაქსიმუმზე არ იქნებოდა იმ ადამიანების რიცხვი, რომლებიც საქართველოდან გარბის, კი არ მიდის, გარბის ოჯახებიანად.

ასე კარგად რომ იყოს საქართველოში მდგომარეობა, ისტორიულ მაქსიმუმზე არ იქნებოდა ქვეყნის ვალი, რომელსაც ჩვენ ვერ გადავიხდით, რამდენი წელიც არ უნდა ვიცოცხლოთ, ჩვენს შვილებს და შვილიშვილებს მოუწევთ გადახდა იმდენი მილიარდია უკვე დაგროვილი.

ისტორიულ მაქსიმუმზე არ იქნებოდა სოციალურად დაუცველთა რაოდენობა და ამ რაოდენობაში ძალიან ბევრი ადამიანი არ შედის, იმიტომ, რომ არასწორად ითვლება, ვის ენიჭება ქულები და სასაცილო ადამიანების გამო კარგავენ ადამიანები სტატუსს და არ ითვლებიან ამ ბაზაში. გაცილებით მეტია საქართველოში სოციალურად დაუცველი, ვიდრე ოფიციალური სტატისტიკა ამას აჩვენებს.

ანუ, ცოტა გაოცებული ვარ იმ სიმშვიდით და თავდაჯერებულობით, რომელიც შენგან გამოსჭვიოდა. მე არ ვიცი, მე მიკვირს, ამიტომ ველი, რომ როცა დაბრუნდებით ტრიბუნასთან იქნებ გამოწვევებზეც ისაუბროთ, იმ გამოწვევებზე, რომლებსაც საქართველოს მოქალაქეები ვეღარსად ვეღარ ემალებიან. თუ მოქალაქე ვერ გრძნობს ეკონომიკურ ზრდას ე.ი. ის არ არსებობს, ამიტომ ნუ მოვიტყუებთ თავს.

ბოლო ამბები:

ანა ნაცვლიშვილი ნაცვლიშვილი მინისტრს: ორნიშნა ეკონომიკური ზრდა მოქალაქეებმა როდის უნდა იგრძნონ?

კომენტარები

კვირის ტოპ-5

გირჩევთ

ახლა კითხულობენ

რა როლი აქვს AI-ს ბიოლოგიაში და რა უნდა ვიცოდეთ ვირტუალურ უჯრედებზე — ინტერვიუ ილია ყიფშიძესთან