პარიზის მოდის კვირეულის განმავლობაში კანიე ვესტმაც წარადგინა საკუთარი ბრენდი Yeezy. დამსწრე საზოგადოებას შორის იყო მოდის ჟურნალის რედაქტორი და სტილისტი, გაბრიელა კარეფა-ჯონსონიც, რომელმაც ინსტაგრამის სთორებზე საკუთარი აზრი დააფიქსირა ვესტთან და მის მაისურთან დაკავშირებით, რომელზეც იკითხებოდა "თეთრკანიანების სიცოცხლე მნიშვნელოვანია."

ვესტმა ამის შემდეგ საჯაროდ დაიწყო გაბრიელას დამცირება, მაგალითად, ონლაინ დაპოსტა მისი სურათი და თქვა, რომ ანა ვინტურს რომ ენახა მისი ჩექმები,შესძულდებოდა. კანიე ვესტმა პოსტები უკვე წაშალა.

რედაქტორისა და სტილისტის დასაცავად, ჯიჯი ჰადიდიც უმალ ჩაერთო საქმეში. მან 2021 წელს ვოგის გარეკანზე გაბრიელასთან ერთად იმუშავა და ახლო მეგობრად მიიჩნევს.

"ნეტავ, მისი ინტელექტის ერთი პროცენტი გქონოდა," — განაცხადა ჰადიდმა კანიეს მისამართით, — "თითქოს შენს შოუზე დაპატიჟების "პატივი" ვინმეს ართმევდეს უფლებას, საკუთარი აზრი გამოთქვას. მჩაგვრელი ხარ და მასხარა."

ჯიჯიმ თავის ინსტაგრამ სთორიში ასევე განაცხადა, რომ კარეფა-ჯონსონი ერთ-ერთი ყველაზე მნიშვნელოვანი ხმაა მოდის ინდუსტრიაში და "ბევრის სწავლა შეუძლია მისგან ამ სამარცხვინო კაცს."

ამავე თემაზე:

თეთრკანიანთა სიცოცხლე მნიშვნელოვანია — კანიე ვესტის მაისურმა ყველა აალაპარაკა