წულუკიანი ლუკაშენკოს აფხაზეთში ჩასვლაზე: ეს არის ის, რასაც ჩვენი სახელმწიფო არ შეიწყნარებს

28 Sep. 2022, 23:37

დავიწყოთ იმით, რომ, პირველ რიგში, უნდა გაკეთდეს ადეკვატური შეფასებები, რაც ხელისუფლების მხრიდან გაკეთებულია და კიდევ მრავალჯერ გაკეთდება. ეს რასაკვირველია, არის დაუშვებელი და მე ვიტყოდი, შეუწყნარებელი ფაქტი, ვინაიდან, ეს არ არის მხოლოდ უკანონობა. ეს არის ის, რასაც ჩვენი სახელმწიფო უბრალოდ არ შეიწყნარებს.

რეაგირება, რასაკვირველია, იქნება. პირველ რიგში, ჩვენი შესაბამისი კომპეტენტური უწყების მხრიდან, რომელიც საგარეო საქმეთა სამინისტროა. მაგრამ, ფაქტია, რომ თუ ეს იყო დაგეგმილი, რომ ამ ამბავს შეუმჩნევლად ჩაევლო, რბილად რომ ვთქვათ, ვერ ჩაივლის. რას ველოდებით ძნელი სათქმელია. უნდა აღინიშნოს, რომ მრავალი წლის მანძილზე, მიუხედავად იმისა, იქნებოდა ეს სხვადასხვა სურვილები თუ რჩევები, ლუკაშენკო ყოველთვის ინარჩუნებდა მყარ პოზიციას და არაღიარების პოლიტიკას უერთდებოდა და მხარს უჭერდა საქართველოს ტერიტორიულ მთლიანობას. შესაბამისად, გასარკევევია პირველ რიგში, მას შემდეგ, რაც ჩვენ ვამბობთ, რომ მისი საქციელი დაუშვებელია და ჩვენ ამას არ შევეგუებით, რა არის ეს? ეს არის ახალი ფურცელი ჩვენს ურთიერთობებში, თუ არა. მაგრამ, ამ თემაზე, ალბათ, სჯობს, რომ შესაბამისმა უწყებამ ისაუბროს.

ეს უნდა გამოირკვეს, ერთჯერადი აქტიც რომ აღმოჩნდეს, ეს არის დაუშვებელი. მაგრამ, არის თუ არა ეს რაღაცის შესავალი ეს გამოსარკვევია და რასაკვირველია, ზომებიც იქნება მისაღები შესაბამისი.

ბოლო ამბები:

თეა წულუკიანი წულუკიანი ლუკაშენკოს აფხაზეთში ჩასვლაზე: ეს არის ის, რასაც ჩვენი სახელმწიფო არ შეიწყნარებს

კომენტარები

კვირის ტოპ-5

გირჩევთ

ახლა კითხულობენ

შსს: ამოღებულია უკანონო ცეცხლსასროლი იარაღი, საბრძოლო მასალა და ასაფეთქებელი ნივთიერებები — დაკავებულია 51 პირი