უბნების 97%-ზე მეტი დათვლილია. არჩევნებში იტალიის ძმები ლიდერობენ.

რატომ არის მნიშვნელოვანი: სავარაუდოდ, ჯორჯია მელონი პირველი ქალი პრემიერმინისტრი გახდება, რომელიც მეორე მსოფლიო ომის შემდეგ ყველაზე მემარჯვენე მთავრობას უხელმძღვანელებს.

  • არჩევნების თითქმის ბოლომდე დათვლილმა შედეგებმა აჩვენა, რომ მემარჯვენე ბლოკი პარლამენტის ორივე პალატაში სოლიდურ უმრავლესობას მოიპოვებს.
  • ეს იტალიას, სავარაუდოდ, პოლიტიკური სტაბილურობის იშვიათ შანსს მისცემს, რადგან წლების მანძილზე არეულობის მიზეზი სწორედ მყიფე კოალიციები იყო.

მელონი საკუთარი პარტიის პოსტფაშისტურ ფესვებს უარყოფს და მას, ისეთ მეინსტრიმულ პოლიტიკურ გაერთიანებად წარმოაჩენს, როგორც ბრიტანეთის კონსერვატორები არიან.

  • ის რუსეთის უკრაინაში შეჭრას გმობს, უკრაინისთვის სამხედრო დახმარების გაგზავნის მომხრეა და პირობას დებს, რომ ამასთან დაკავშირებით დასავლეთის პოლიტიკას მხარს უჭერს.
  • "თუ ჩვენ აგვირჩიეს ამ ერის მართვისთვის, ჩვენ ამას გავაკეთებთ ყველა იტალიელისთვის, ხალხის გაერთიანების მიზნით და ვფოკუსირდებით იმაზე, რაც გვაერთიანებს, და არა იმაზე, რაც გვყოფს".
  • POLITICO წერს, რომ მისი პუტინის მიმართ კრიტიკული დამოკიდებულება შედარებით ახალია, რადგან ჯერ კიდევ 2018 წელს პუტინის საპრეზიდენტო არჩევნებში გამარჯვება "რუსი ხალხის ცალსახა ნებად" შეაფასა.

არჩევნებში იტალიის ძმებს 26%-იანი უპირატესობა აქვს, მაშინ, როდესაც 2018 წლის საპარლამენტო არჩევნებში ამ პოლიტიკურმა გაერთიანებამ 4% მოიპოვა.

  • POLITICO მიუთითებს, რომ რამდენიმე წლის წინ, ეს შედეგი წარმოუდგენელი იქნებოდა, ახლა კი იტალიის ძმებმა ისარგებლეს იმით, რომ ისინი ქვეყანაში ერთადერთი ოპოზიციური პარტია არიან.
  • მეორე მსხვილმა კონსერვატიულმა პარტიამ, Forza Italia-მ არჩევნებში ხმების დაახლოებით 8% დააგროვა.