ამ მომენტისთვის, ვიდეოზარების პლატფორმა Zoom გათიშულია. მომხმარებლები პლატფორმის დახმარებით ონლაინ შეხვედრების წამოწყებას ვეღარ ახერხებენ, შესაბამისად, უამრავი ადამიანი და კომპანია ზარალდება, რომელიც დისტანციური მუშაობისთვის სწორედ ამ პლატფორმას ეყრდნობა.

The Verge-ის ინფორმაციით, zoom.us — Zoom-ის მთავარი ვებგვერდიც არაა ხელმისაწვდომი, აქ შესვლისას 502 gateway error-ს გვიჩვენებს.

Zoom-ის გვერდზე ნაჩვენებია, რომ პლატფორმას პრობლემები აქვს. ისინი ასევე გვაჩვენებენ პრობლემის აღმოფხვრისთვის გაღებული ძალისხმევის თანმიმდევრობასაც.

Zoom-ის ბოლო დიდმასშტაბიანი შეფერხება 2020 წელს იყო და ორი საათი გაგრძელდა. შემდეგი დიდი მწყობრიდან გამოსვლა დღესაა და ჯერჯერობით უცნობია, როდის აღმოფხვრის პლატფორმის გუნდი პრობლემას.

20:00 UPDATE: Zoom-ის სტატუს გვერდის მიხედვით, სისტემა უკვე მწყობრშია.