გაერთიანებული სამეფოს ახალი მეფის მიმართვა პირდაპირ ეთერში გადაიცემოდა.

რატომ არის მნიშვნელოვანი: პრინცი ჩარლზი ელიზაბეთ II-ის გარდაცვალების შემდეგ გაერთიანებული სამეფოს მეფე გახდა.

  • ელიზაბეთ II დიდი ბრიტანეთისა და ჩრდილოეთ ირლანდიის გაერთიანებული სამეფოს დედოფალი მას შემდეგ გახდა, რაც 1952 წელს მამამისი, ჯორჯ VI გარდაიცვალა;

  • 2022 წლის 6 თებერვალს, 95 წლის ასაკში, ის გახდა პირველი ბრიტანელი მონარქი, რომელიც 70 წლის მანძილზე იკავებს ტახტს.

დეტალები: ჩარლზმა მადლიერება გამოხატა გარდაცვლილი დედოფლის მიმართ და აღნიშნა, რომ ისევე დაიცავს ერის კონსტიტუციურ პრინციპებს, როგორც ამას ურყევი ერთგულებით ელიზაბეთ II აკეთებდა.

  • "მთელი თავისი ცხოვრების განმავლობაში, მისი უდიდებულესობა დედოფალი — ჩემი ძვირფასი დედა — იყო შთაგონება და მაგალითი ჩემთვის და ჩემი მთელი ოჯახისთვის";
  • "ჩვენ მისი ყველაზე გულწრფელი ვალი გვმართებს, რაც შეიძლება ნებისმიერ ოჯახს ჰქონდეს დედის მიმართ".

მეფე ჩარლზის თქმით, ახლა, როცა ახალი პასუხისმგებლობა დაეკისრება, მისი ცხოვრება შეიცვლება.

  • "ვეღარ შევძლებ დიდი დროისა და ენერგიის დათმობას საქველმოქმედო და ისეთ საკითხებზე, რაზეც ასე ვზრუნავდი";
  • "მაგრამ ვიცი, რომ ეს მნიშვნელოვანი საქმე სხვების სანდო ხელებში გაგრძელდება".

ახალი მემკვიდრე მეფე ჩარლზ III-ის უფროსი შვილი პრინცი უილიამია.

  • უილიამმა და მისმა მეუღლემ მიიღეს კორნუოლის ჰერცოგის და ჰერცოგინიას დამატებითი ტიტულები, რომლებიც ადრე ჩარლზსა და კამილას ეკუთვნოდათ, ისინი გახდნენ კორნუოლისა და კემბრიჯის ჰერცოგი და ჰერცოგინია;
  • CNN წერს, რომ ის უილიამი ავტომატურად არ ხდება უელსის პრინცი — ტიტული მეფემ უნდა უბოძოს მას