შინაგან საქმეთა სამინისტროს განცხადებით, განზრახ მკვლელობის მცდელობის ბრალდებით, 1971 წელს დაბადებული კაცია დაკავებული.

რატომ არის მნიშვნელოვანი: უწყების ცნობით, გამოძიებით დადგინდა, რომ ბრალდებულმა 1967 წელს დაბადებულ მეზობელ ქალს ჭრილობა ცივი იარაღით მიაყენა და შემთხვევის ადგილიდან მიიმალა.

  • შსს-ის თქმით, ნივთმტკიცების სახით იარაღია ამოღებული.
  • ქალი საავადმყოფოში გადაიყვანეს, სადაც სამედიცინო დახმარება ჩაუტარდა.

გამოძიება საქართველოს სისხლის სამართლის კოდექსის 19-108-ე მუხლით მიმდინარეობს, რაც განზრახ მკვლელობას გულისხმობს.

  • დანაშაული 10-დან 15 წლამდე ვადით თავისუფლების აღკვეთას ითვალისწინებს.