გარდაცვალების შესახებ ინფორმაციას სამეფო ოჯახი ავრცელებს.

ელიზაბეთ II დიდი ბრიტანეთისა და ჩრდილოეთ ირლანდიის გაერთიანებული სამეფოს დედოფალი მას შემდეგ გახდა, რაც 1952 წელს მამამისი, ჯორჯ VI გარდაიცვალა.

  • 2022 წლის 6 თებერვალს, 95 წლის ასაკში, ის გახდა პირველი ბრიტანელი მონარქი, რომელიც 70 წლის მანძილზე იკავებს ტახტს.

რა ხდება დედოფლის გარდაცვალების შემდეგ: დიდ ბრიტანეთში კონკრეტული გეგმა არსებობს — ამოქმედდება ოპერაცია London Bridge, რომლის გეგმა ბოლომდე ცნობილი არაა.

  • როგორც Politico წერს, დედოფლის გარდაცვალების შემდეგ, მისი პირადი მდივანი დაუკავშირდება პრემიერმინისტრს. ასევე საიდუმლო საბჭოსაც, რომელიც მონარქის სახელით მთავრობის საქმიანობას კოორდინაციას უწევს.
  • ამის შემდეგ დაუშვებენ დროშებს — გეგმით გათვალისწინებულია, რომ ეს ყველაფერი 10 წუთში მოხდეს.

D-Day: სწორედ ასე მოიხსენიებენ მონარქის გარდაცვალების დღეს — ყოველი მომდევნო დღე, დაკრძალვამდე აღნიშნული იქნება D+1, D+2 და ა.შ.

  • დაკრძალვა ათ დღეში გაიმართება.