ამერიკული ჯგუფი აეროსმიტი უკვე საქართველოშია, ისინი ბათუმის საერთაშორისო აეროპორტში ჩარტერული რეისით ცოტა ხნის წინ ჩამოფრინდნენ.

ეკონომიკის სამინისტროს ინფორმაციით, ჯგუფის წევრებს სასტუმრო შერატონში ფანები და ჟურნალისტები დახვნდენ.

ხვალ ლეგენდარულ ჯგუფს ბლექ სი არენა უმასპინძლებს. აეროსმიტი ქართველი მსმენელის წინაშე 2017 წლის ევროტურის Aero-Vederci Baby! ფარგლებში წარსდგება.

როკ-ჯგუფმა მასშტაბური ევროტურის შესახებ გასული წლის 14 ნოემბერს გამოაცხადეს. ტურნეს ფარგლებში ჯგუფი ეწვევა ისრაელს, საქართველოს, რუსეთს, გერმანიას, პოლონეთს, დანიას, შვედეთს, დიდ ბრიტანეთს, ირლანდიას, საფრანგეთს, იტალიას, პორტუგალიას, ესპანეთსა და შვეიცარიას.

ფოტო: ეკონომიკის სამინისტრო

ფოტო: ეკონომიკის სამინისტრო

ფოტო: ეკონომიკის სამინისტრო

ფოტო: ეკონომიკის სამინისტრო

ფოტო: ეკონომიკის სამინისტრო

ფოტო: ეკონომიკის სამინისტრო

ფოტო: ეკონომიკის სამინისტრო

აეროსმიტი ქართველი მსმენელისთვის ახალ სიმღერებთან ერთად, ძველ ჰიტებსაც შეასრულებს. კონცერტი საქართველოში პროექტ Check in Georgia-ს ფარგლებში იმართება. საქართველოში Aerosmith-ის კონცერტის გამართვა ბიუჯეტს 5,5 მილიონი ლარი დაუჯდა.

Check in Georgia წელს უკვე მეორედ ტარდება.