ამის შესახებ ინფორმაციას საქართველოს ახალგაზრდა იურისტთა ასოციაცია ავრცელებს — საია დაზარალებულების ინტერესებს იცავდა.

რატომ არის მნიშვნელოვანი: სახელმწიფო ინსპექტორის სამსახურის ინფორმაციით, გამოძიებით დადგინდა, რომ პოლიციელმა ფიზიკურად 17 წლის შეზღუდული შესაძლებლობის პირზე იძალადა.

  • შედეგად, მან დაზიანებები თავისა და სახის არეში მიიღო. ასევე, განიცადა ძლიერი ფიზიკური ტკივილი და თავი დამცირებულად იგრძნო.

დეტალები: საიას ცნობით, წარდგენილ ბრალდებაში გამამტყუნებელი ვერდიქტის გამოტანას მხარი 12-დან 8 ნაფიცმა მსაჯულმა დაუჭირა.

  • ამავე სხდომაზე სასამართლომ იმსჯელა სასჯელის შეფარდების საკითხზე — პოლიციელს სასჯელის სახედ და ზომად 5 წლით თავისუფლების აღკვეთა განესაზღვრა.

არქივიდან: კადრები, სადაც ჩანს, რომ პოლიციელი მოქალაქეს სცემს, 24 იანვარს გავრცელდა.