როცა გარემოს დამაბინძურებელ ნივთიერებებზე მიდგება საქმე, ალბათ, არავის ახსენდება საწმენდი საშუალებები. დალაგებისთვის საჭირო საყოფაცხოვრებო პროდუქტებს ყველა ვიყენებთ ჩვენს ყოველდღიურ გარემოში სისუფთავის შესანარჩუნებლად: საწმენდი საშუალებები ჭუჭყის, მტვრის, ბაქტერიებისა თუ სხვა მიკროსკოპული მავნე ორგანიზმების მოსაშორებლად ეფექტიანი საშუალებაა.

თუმცა, ზოგიერთი მსგავსი პროდუქტი, რომელთაც დეზინფექციისთვის, ჭურჭლისა და სარეცხის გასარეცხად, ტექნიკის და ავეჯის გასაწმენდად და ზოგადად სისუფთავის შესანარჩუნებლად ვიყენებთ, ხშირად ატმოსფეროსა და წყალს აბინძურებს. საწმენდი საშუალებების ნაწილი ისეთ ქიმიურ ნივთიერებებს შეიცავს, რომლებიც სმოგის გაჩენას, სასმელი წყლის დაბინძურებასა და ცხოველების მოწამვლასაც კი იწვევს. ამ პროდუქტების მიერ მოტანილი ზიანი იმაზე დიდია, ვიდრე შეიძლება აქამდე წარმოგედგინათ.

ამ სტატიაში სწორედ ამ შესაძლო საფრთხეების შესახებ გაიგებთ მეტს.

მავნე ქიმიური ნივთიერებები

აშშ-ის გარემოს დაცვის სააგენტომ დაასახელა ის ქიმიური ნივთიერებები, რომლებსაც საწმენდი საშუალებები ყველაზე ხშირად შეიცავს და გარემოსთვის ყველაზე დიდი ზიანის მომტანია: ფოსფორი, აზოტი, ამიაკი და ის ნივთიერებები, რომლებიც ადვილად აქროლებადი ნაერთების ჯგუფში ერთიანდება.

ეს ნივთიერებები შეიძლება იყოს სააბაზანოს სადეზინფექციო ხსნარებში, ფანჯრის შუშის საწმენდებსა და ჭურჭლის გასახეხ სითხეებშიც კი.

როგორ ხდება ეს ნივთიერებები წყალში

წყალში განუსაზღვრავი ოდენობით მოხვედრილ ფოსფორს, აზოტსა და ამიაკს დიდი ზიანის მოტანა შეუძლია. ისინი წყალში მაშინ ხვდება, როცა, მაგალითად, სახლის დალაგების შემდეგ ნიჟარებსა და უნიტაზებში გამოყენებულ საწმენდ საშუალებებს ჩარეცხავენ. სხვადასხვა ქვეყანაში საკანალიზაციო წყალს დამაბინძურებლებისგან წმენდენ, სანამ ის მდინარეებს, ტბებსა და სხვა ბუნებრივ წყლებს შეერევა, თუმცა ყოველთვის ასე როდი ხდება.

როცა მავნე ნივთიერებებით დაბინძურებული წყალი ბუნებრივ გარემოს შეერევა, შემდეგ ეს მცენარეების ზრდის პროცესზეც კი მოქმედებს.

ქიმიური ნივთიერებების გავლენა

ფოსფორი, აზოტი და ამიაკი სასუქის შემადგენლობაში შედის, რომელსაც აგრიკულტურაში მცენარეების ზრდის ხელშეწყობისთვის იყენებენ. თუმცა, როცა ეს ნივთიერებები ბუნებაში დაბინძურებული წყლის საშუალებით ხდება, მათი შემცველობის დონე ვერ კონტროლდება. ეს კი მავნე გავლენას ახდენს როგორც მცენარეებზე, ისე იმ ცხოველებზე, რომლებიც მათით იკვებებიან.

რაც შეეხება ადვილად აქროლებად ნაერთებს, ადამიანის ჯანმრთელობაზე რომ განსაკუთრებულად მავნე ზემოქმედება არ ჰქონდეს, სახლის ლაგების დროს რეკომენდებულია ფანჯრების და კარების გაღება, რათა სივრცე განიავდეს. თუმცა ამ დროს ეს მავნე ნივთიერებები ატმოსფეროში ხვდება და საბოლოოდ სმოგის წარმოქმნასაც კი უწყობს ხელს.

გამოსავალი

იმისათვის, რომ მსგავსი საფრთხეებისგან თავი დაიზღვიოთ და დაიცვათ როგორც თქვენი და თქვენ გარშემო მყოფი ადამიანების ჯანმრთელობა, ისე ზოგადად ბუნებრივი გარემო, ამისთვის აუცილებელია, რომ არჩევანი ეკოლოგიურად სუფთა პროდუქტებზე გააკეთოთ, რომლებიც მავნე ნივთიერებებს არ შეიცავს.

სტატიას წარმოგიდგენთ ეკოლოგიურად სუფთა სარეცხი და საწმენდი საშუალებები გერმანიიდან: fit-gmbh არის სარეცხი და საწმენდი საშუალებების მწარმოებელი კომპანია 55-წლიანი გამოცდილებით. პროდუქცია 100%-ით წარმოებულია გერმანიაში.
fit-gmbh-ის ეკო ხაზის პროდუქცია Grüne Kraft არის ყველასათვის ხელმისაწვდომი ეკოლოგიურად სუფთა საწმენდი და სარეცხი საშუალებები. Grüne Kraft-ის ხაზის პროდუქცია ფლობს საერთაშორისო ხარისხის და ეკოსერთიფიკატს - EU Ecolabel.