ალბათ, მოგენატრათ ან შეიძლება დაგავიწყდათ კიდეც, მაგრამ მოემზადეთ: მალე ვესტეროსში დაბრუნების შესაძლებლობა მოგეცემათ!

HBO-მ თავისი ყველაზე გახმაურებული სატელევიზიო შოუს — Game of Thrones (სამეფო კარის თამაშები) სამყაროზე ახალი სერიალი House of the Dragon (დრაკონის სახლი) გადაიღო და მის ხილვას სულ მალე შევძლებთ: პირველი სერიის პრემიერა 21 აგვისტოს შედგება!

შესაძლოა, სამეფო კარის თამაშების ხსენებაზე მისი ბოლო სეზონები და საყოველთაო იმედგაცრუება გახსენდებათ, თუმცა დაგვერწმუნეთ, ამ ტრეილერის ნახვისას უფრო ნოსტალგია მოგეძალებათ და მაშინვე მოგინდებათ ამ კარგად ნაცნობი სამყაროს კიდევ უფრო უკეთ გაცნობა:

თუ ტრეილერი ნახეთ, ალბათ დაგვეთანხმებით, რომ ის საკმაოდ კარგი ჩანს...

რაც შეეხება სიუჟეტს, დრაკონის სახლის ტარგარიენების სამოქალაქო ომის, იგივე "დრაკონების ცეკვის" შესახებ მოგვითხრობს, რომელიც სამეფო კარის თამაშებში ასახულ ისტორიამდე 200 წლით ადრე მოხდა. შესაბამისად, ჩვენთვის ნაცნობ პერსონაჟებს ვერ ვიხილავთ, მაგრამ სანაცვლოდ სრულიად ახალ გმირებს აღმოვაჩენთ და განსაკუთრებით კარგად გავიცნობთ დეინერისის ოჯახის ისტორიას, მთელი ის სეზონები რომ გვაძახებდა...

ფოტო: Giphy

რაც მთავარია, ამ ახალ დამაინტრიგებელ სატელევიზიო შოუს კვლავ ჯ.რ.რ. მარტინის წიგნების სერიის Fire And Blood-ის (ცეცხლი და სისხლი) მიხედვით იღებენ.

ისღა დაგვრჩენია, დაველოდოთ 21 აგვისტოს და მერე შევაფასოთ, შეძლებს თუ არა HBO სამეფო კარის თამაშებში დაშვებული შეცდომების გამოსწორებას.

ასევე იხილეთ: