NDI-ის გამოკითხვების მიხედვით, ყოველი მეორე გამოკითხული (47%) მიიჩნევს, რომ ნაციონალური მოძრაობის ყოფილი ლიდერების მიერ პარტიის დატოვებით ოპოზიციაში არაფერი შეიცვლება.

გამოკითხულთა მხოლოდ 17 პროცენტი მიიჩნევს, რომ ევროპული საქართველოს დაფუძნებით ოპოზიცია გაძლიერდება, ამდენივე გამოკითხულია მიიჩნევს, რომ დაასუსტებს. პასუხს "არ ვიცი" ყოველი მეხუთე გამოკითხული პასუხობდა (19%).

კვლევის საველე სამუშაოები NDI-ის დაკვეთით, CRRC-იმ 2017 წლის 7-28 აპრილის პერიოდში ჩაატარა. გამოკითხული 2 493 მოქალაქე წარმომადგენლობითი შერჩევის წესით, მთელი ქვეყნის მასშტაბით (ოკუპირებული ტერიტორიების გარდა) შეირჩნენ და პირისპირ ინტერვიუს სახით გამოკითხეს. კვლევის ცდომილების ზღვარია 2,7 პროცენტი. კვლევა დიდი ბრიტანეთის მთავრობის UK aid-ის ფინანსური მხარდაჭერით ჩატარდა.